Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Хариҹи Ишләр Назири вә баш нүвә мүзакирәчиси- Мәһәммәд Ҹавад Зәриф шәнбә ҝүнү ҝеҹә ИИР-ын беш үстәҝәл бир групу илә мүзакирәләринин jени дөврүнүн сонунда Авропа Бирлиjинин хариҹи сиjасәт үзрә мәсул шәхси- Кетрин Ештон илә бирҝә мәтбуат конфрансында деjиб: Ирәлиләjишләрә малик олмағымыза рәғмән, гәрара алынды ки, мүзакирәләрин давамы бир нәтиҹәнин әлдә олунмасы үчүн ноjабрын иjирмисиндә бәрпа едилсин.
Зәриф деjиб: Алты өлкә ола билсин, бир-бири илә фәргли бахышлара малик олсун, лакин биз бир-биримизлә анлашмадаjыг вә үмид едирик ки, ноjабрын иjирмисиндә Ҹеневрәдә кечириләҹәк гаршыдакы мүзакирәләрдә разылыға чатаг.
Илк дәфә олараг, мүзакирәләрин сонунда Иран Ислам Республикасынын баш нүвә мүзакирәчиси илә бирҝә мәтбуат конфрансында иштирак едән Авропа Бирлиjинин хариҹи сиjасәт үзрә мәсул шәхси- Кетрин Ештон деjиб: Бир чох ирәлиләjишин олмасына рәғмән, фикир аjрылыглары да мөвҹуддур.
АБШ-ын дөвләт катиби- Ҹон Керри базар ҝүнү сәһәр билдирмишди ки, беш үстәҝәл бир групу Ҹеневрәдә Иранла мүзакирә апарандан сонра бу өлкәнин нүвә програмы барәдә бир разылығын әлдә олунмасына даһа да jахынлашыбдыр.
Керри Исвечрәнин Ҹеневрә шәһәриндә сых мүзакирәләрин сонунда деjиб: Һазырда биз Ҹеневрәни тәрк едәркән бу шәһәрә ҝәлдиjимиз заманла мүгаjисәдә бир разылыға даһа да jахынлашмышыг.
Франсанын хариҹи ишләр назири- Лоран Фабиус да билдириб ки, Иран Ислам Республикасынын беш үстәҝәл бир групу илә мүзакирәләриндә ирәлиләjишләр баш верди, лакин разылашма сәнәди имзалаjа билмәдик. Бунунла белә, Алманиjанын хариҹи ишләр назири- Ҝидо Веструле вурғулаjыб ки, Ҹеневрәдә Иран Ислам Республикасы илә беш үстәҝәл бир групу арасындакы нүвә мүзакирәләриндә бир чох ирәлиләjишләр баш вериб.
Диггәт: Хәбәрдән истифадә етдикдә мәнбәjә истинад лазымдыр
