Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Октjабрын 23-дә Страсбургда Авропа Парламентинин пленар сессиjасы кечирилиб. Сессиjада Авропа Иттифагы илә Азәрбаjҹан арасында Шәрг Тәрәфдашлығы чәрчивәсиндә сазиш барәдә гәтнамә гәбул олунуб.
Гәтнамәдә деjилир ки, Авропа Парламенти рәсми Бакынын Шәрг Тәрәфдашлығы илә бағлы конкрет сиjасәтинин олмамасы сәбәбиндән мәсәләjә шүбһәли jанашыр.
“Авропа Парламенти игтисади әмәкдашлыгда әлдә олунан инкишафа бахмаjараг, хүсусән инсан һагларынын, демократиjанын вә фундаментал азадлыгларын боғулмасындан, сәрбәст топлашмаг вә ифадә азадлығы башда олмагла, демократик мүхалифәтин фәалиjjәтинә jарадылан әнҝәлләрдән дәрин нараһатлыг кечирдиjини вә Азәрбаjҹанла һәр һансы бир сазишин бағланмасынын мүхалифәтин, журналистләрин, һүгуг мүдафиәчиләринин бирдәфәлик раһат бурахылмасындан, вәтәндашларын вә мүхалифәтин конститусиjа илә тәjин олунмуш азадлыгларынын тохунулмазлығындан асылы олаҹағыны бәjан едир.
Бундан әлавә, 9 октjабр президент сечкиләринин беjнәлхалг стандардлара ҹаваб вермәдиjини бәjан едәрәк, Тофиг Јагублу вә Илгар Мәммәдов башда олмагла бу ил әрзиндә һәбс едилмиш 14 сиjаси мәһбусун геjд-шәртсиз вә дәрһал азад едилмәсини тәләб едир.
Авропа Парламенти Азәрбаjҹанда кечирилмиш президент сечкиләрини мүшаһидә етмиш АТӘТ ДТИҺБ-ин рәjини бөлүшүр вә сечкиләрин АТӘТ стандартларына уjғун олмамасындан дәрин тәәссүфүнү билдирир. Авропа Парламенти Азәрбаjҹан һөкумәтини АТӘТ ДТИҺБ-ин төвсиjәләрини ән тез вә ҹидди шәкилдә jеринә jетирмәjә чағырыр", - деjә гәтнамәдә билдирилир.
Гәтнамәдә Дағлыг Гарабағ мүнагишәсинин һәлли илә бағлы да мүддәа jер алыб. Билдирилиб ки, Шәрг Тәрәфдашлығы програмында иштирак едән бир дөвләт тәрәфиндән диҝәринин әразисинин ишғал едилмәси Шәрг Тәрәфдашлығынын фундаментал принсип вә мәгсәдләринин позулмасыдыр. Дағлыг Гарабағ мүнагишәсинин һәлли БМТ Тәһлүкәсизлик Шурасынын 1993-ҹү илдә гәбул едилмиш 4 гәтнамәси вә АТӘТ-ин Минск Групунун база принсипләри әсасында һәлли ваҹибдир.
Диггәт: Хәбәрдән истифадә етдикдә мәнбәjә истинад лазымдыр
