Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Һиҹри Гәмәри тәгвими илә Зил-Һиҹҹә аjынын 18-ҹи ҝүнү (ҹари милади илин 24 октjабр аjына тәсадүф едир) Бөjүк Ислам Пеjғәнбәри һәзрәти Муһәммәд Ибн Әбдуллаһын (сәлләллаһу әлеjһи вә алиһ) һагг ҹанишини, Аллаһ Тәаланын jер үзәриндә өз хилафәтинин jеринә бирбаша тәjин етдиjи Әмирәл Мөминин Әли ибни Әбу Талибин (әлеjһис сәлам) Имамәт ҝүнүдүр.
Бу ҝүн, бәшәриjjәтин ән севинҹли ҝүнләриндән бири саjылыр. Бу анлар Алаһ Тәалаjа едилән дуаларын вә дүшмәнләрә чәкилән гарғышларын гәбул олан анларыдыр. Биз АБНА олараг дүнjа халгларынын бу севинҹинә гошулур вә мисилсиз баjрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) һәзрәтләринин өзүнү вә онун һагг наиби Имам Хаменеjи ҹәнаблары олмагла бүтүн Шиәләри сәмими гәлбдән тәбрик едирик.
ГӘДИР ХУМ баjрамы һагда гыса мәлумат
Һәдисләрдә Гәдир Хум Баjрамы һагда белә деjилир: “Гәдир Хум Баjрамы Еjдуллаһи Әкбәр-Бөjүк Аллаһ Баjрамы вә Муһәммәд Пеjғәмбәрин Аиләсинин Баjрамыдыр”.
Имам Садигдән (әлеjһис сәлам) сорушулду: “Мүсәлманалрын Ҹүмә, Фитр вә Гурбан баjрамларындан башга баjрамлары вардырмы? Имам Садиг һәзрәтли буjурду: “Бәли бир баjрамлары да вардыр ки, һөрмәти диҝәрләриндән даһа да үстүндүр. Рави деjир сорушдум: О, һансы баjрамдыр? Һәзрәт ҹавабымда буjурду: (Дедиjим) Баjрам о ҝүндүр ки, Пеjғәмбәр Әмирәл Мөминин Әлини (әлеjһис сәлам) өз ҹанишинлиjинә тәjин етди вә һамыjа елан едәрәк билдирди: “Мән һәркимин Мөвласыjамса (онун ҹанындан да она үстүн оланы, Илаһи, сиjаси, иҹтимаи вә дини мәсәләләр үзрә рәһбәри вә jер үзүнүн мүтләг һакими) Әли дә онун Мөвласы вә рәһбәридир. О ҝүн, Зил Һәҹҹә аjынын 18-ҹи ҝүнүдүр”. Рави деди: Һәмин ҝүн һансы әмәлләр jеринә jетирилмәлидир? Имам буjурду: Һәмин ҝүн оруҹ тутуб ибадәт един, Муһәммәд вә Али Муһәммәди чохлуҹа jад един вә онлара салават ҝөндәрин. Аллаһын Рәсулу (сәлләллаһу әлеjһи вә алиһ) Әлиjә вәсиjjәт етди ки, бу ҝүнү Баjрам етсин. Бүтүн Пеjғәмбәрләр оз ҹанишинләринә бу ҝүн (Гәдир Хум баjрамыны) баjрам етмәjи вәсиjjәт едибләр”.
Башга бир һәдисдә деjилир ки, Имам Рза (әлеjһис сәлам) Ибни Әби Бәсир Бәзәнтиjә буjурду: “Еj Бәзәнтинин оғлу Әби Бәсир! Һарада олурсанса ол, чалыш өзүвү Гәдир Хум Баjрамы ҝүнү Әмирәл Мөминин Әлинин пак мәзарына jетир. Һәгигәтән о ҝүн Аллаһ Тәала Мөмин киши вә гадынын 60 иллик ҝүнаһыны бағышлаjыр вә онлары Рамазан аынын Гәдр ҝеҹәләри, Фитр Баjрамында ҹәһәннәмин атәшиндән азад етдиjинин ики бәрабәрини азад едирдир”.
Бу ҝүнүн әмәлләри
1 – Оруҹ.
2- Гүсл вермәк.
3- Әмирәл Мөмини “Әминәллаһ” зиjарәтнамәси илә зиjарәт етмәк
4- Нүдбә дуасыны охумаг
5- Мөминлә ҝөрүшдүкдә ону тәбрик етмәк вә белә демәк: «الحمد الله الذی جعلنا من المتمسّکین بولایه امیر المومنین الائمه المعصومین علیهم السلام و.» - Әлһәмдулилләһил ләзи Ҹәәләнә минәл Мутәмәссикинә би Виләjти Әмирәл Моминин вәл Әиммәтил Мәсумин әлеjһимус сәлам.
6 – Ҝөзәл Либаслар ҝеjинмәк.
7– Зинәтләнмәк.
8- Хош гохуларла әтирләнмәк.
9- Һәзрәти Әлинин Шиәләрини шадландырмаг.
10- Шиәләрин тәгсирини бағышлмаг.
11- Шиәләрин арзу вә һаҹәтләрини jеринә jетирмәк.
12- Силәи рәһм етмәк (Гоһум, дост, гоншу, jахынлар вә. с. ахтармаг)
13- Бөjүк Вилаjәт Немәтинин верилдиjи үчүн Аллаһ Тәалаjа һәмд сәна етмәк.
14- Чохлуҹа салават ҝөндәрмәк.
15- Әһли Беjтин (әлеjһимус сәлам) дүшмәнләринә чохлуҹа ләнәт ҝөндәрмәк вә онлардан Аллаһа пәнаһ апармаг.
Диггәт: Хәбәрдән истифадә етдикдә мәнбәjә истинад лазымдыр
