Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Октjабрын 9-да 81 саjлы Беjләган Сечки Даирәсинин 8 саjлы мәнтәгәсиндә АХҸП раjон шөбәсинин сәдри Фүзули Гәһрәманлы дөjүлүб.
Бу һагда "Азадлыг” радиосуна Фүзули Гәһрәманлы өзү мәлумат вериб: "Мән Ҹәмил Һәсәнлинин сәлаһиjjәтли нүмаjәндәси кими мәнтәгәдә мүтәмади ганун позунтуларыны мүшаһидә едирдим. Комиссиjа сәдри вә катиби илә бунунла бағлы мүбаһисәм олду. Мәни тәһгир еләдиләр. Гапыдан чыханда исә архадан бурнума зәрбә ендирилди. Чеврилмәк истәjәндә икинҹи зәрбә вурулду. Бундан сонра нә баш вердиjини хатырламырам, ган ичиндәjдим, ҝөзүм тутулмушду”.
Фүзули Гәһрәманлы деjир ки, полис шөбәсиндә ондан илкин изаһат алыныб: "Инди исә хәстәханада һәким мүаjинәсиндәjәм. Һәким деjир әмәлиjjат олунмалыjам".
81 саjлы Беjләган Сечки Даирәсинин сәдри Азәр Әлиjев АзадлыгРадиосуна деjиб ки, һадисә мәнтәгәдә jох, кәнарда баш вериб: "Чөлдә далашыблар, мәнтәгәнин jерләшдиjи әразидә, адыны гоjублар ки, һадисә мәнтәгәдә олуб. Мәнтәгәдә белә һадисә баш вермәjиб”.
Диггәт: Хәбәрдән истифадә етдикдә мәнбәjә истинад лазымдыр
