Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Атом Енержиси Тәшкилатынын сәдри Әли Әкбәр Салеһи билдириб: “Дүшмәнин Иран Ислам Республикасынын нүвә обjектләринә зәрбә вурулмасы истигамәтиндәки бәзи планлары позулуб”.
О, деjиб: “Бир мүддәт әввәл Иран Ислам Республикасынын бир нүвә обjектинә гаршы һәjата кечирилән белә бир тәхрибат ҹәһдинин гаршысы алыныб вә мәсәлә илә бағлы 4 нәфәр һәбс едилиб. Бу шәхсләр илк аддымда ашкар едилди вә онлара бир гәдәр ирәлиләмәк үчүн иҹазә верилди. Вә мүнасиб заманда тутуладулар. Һазырда онларын истинтaг ишләри давам едир. Мәсәләнин деталлары барәдә исә һәләлик бир шеj сөjләмәк чох тездир”.
Ҹәнаб Әли Әкбәр Салеһи дүшмән гүввәләрин һәмишә Иран Ислам Республикасынын нүвә обjектләринә зәрбә вурмаг истәдикләринә ишарә едәрәк билдириб: “Иран Ислам Республикасынын Тәһлүкәсизлик Гүввәләри өлкә сәрһәдләрини горумаг үчүн аjыг-саjыгдырлар. Чүнки тәхрибатчылыг еһтималы мөвҹуддур. Иран Ислам Республикасынын нүвә обjектләринә гаршы киберһүҹумлар һәлә дә давам едир. Лакин бүтүн бунлара бахмаjараг антивирус системләри даһа да ҝүҹләндирилиб”.
Диггәт: Хәбәрдән истифадә етдикдә мәнбәjә истинад лазымдыр
