Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, БМТ-нин Мәтбуат хидмәти мәлумат jаjымлаjараг билдириб: “Суриjалылар Кимjәви Силаһын Јаjылмамасы Тәшкилаты (КСЈТ) експертләринин рәһбәрлиjи алтында кимjәви силаһ ҹәббәханасынын бир һиссәсини мәһв едибләр”.
“Суриjалы мүтәхәссисләр газ бычаглары вә тинли ҹилаедиҹи машынлардан истифадә едәрәк дөjүш сурсатынын, о ҹүмләдән авиабомба, гарышдырма вә долдурма аваданлығынын бир һиссәсини мәһв едибләр.”, - бәjанатда белә деjилир.
Бәjанатда, һәмчинин вурғуланыр ки, ҹәббәхананын мәһви просеси бир нечә ҝүн давам едәҹәк.
Өтән чәршәнбә ахшамы 33 нәфәрдән ибарәт груп Суриjаjа ҝедиб. Команда үзвләри арасында Русиjа, АБШ, Бөjүк Британиjа, Чехиjа, Өзбәкистан, Чин, Канада, Нидерланд вә Тунис вәтәндашлары вар. Онлардан чоху (19 нәфәр) КСЈТ мүфәттишләри, диҝәрләри исә БМТ әмәкдашларыдыр.
Паjтахт Дәмәшгә ҝедән груп “дәрһал ишә башламаг үчүн лоҝистик база” jарадыб.
Диггәт: Хәбәрдән истифадә етдикдә мәнбәjә истинад лазымдыр
