Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, тәдбир Иран Ислам Республикасы Гуру Гошунларынын команданы, ҝенерал Әһмәдрза Пурдәстанын иштиракы илә кечирилиб.
“Јәсир” адланан пилотсуз тәjjарә 5 км jүксәкликдә учмаг, 8 саат һавада галмаг, һәмчинин 200 километр мәсафә гәт едә билмәк габилиjjәтләринә маликдир.
Јерли мүтәхәссисләрин кәшфиjjат ишләриндә истифадә олунмасы үчүн дизаjн етдиjи тәjjарәнин учуш-енмә золағына еһтиjаҹ jохдур, jүнҝүл, ҝүҹлү вә модерн камералара саһибдир, һәмчинин һәдәфә дәгигликлә нәзарәт едә билир. “Јәсир”дән jардым, дөjүш әмәлиjjатлары, еләҹә дә нәглиjjатын һәрәкәтинин низамланмасында истифадә дә едилә биләр.
Бундан башга, Иран Ислам Республикасы даһа бир пилотсуз тәjjарәсинин тәгдиматыны кечириб. Иран Ислам Ингилабы Кешикчиләр Корпусунун (СЕПАҺ) баш команданы, ҝенерал Мәһәммәд Әли Ҹәфәринин иштирак етдиjи тәдбирдә “Шаһид 129” адлы jерли пилотсуз тәjjарәнин сәрһәдләри мүшаһидә етмәкдә, һәмчинин гулдурлар вә һәр ҹүр һалларла мүбаризәдә тәсирли олдуғу билдирилиб.
Тәjjарә ракетләр дашымаг вә һансыса әразини бомбардман етмәк хүсусиjjәтинә малик олмагла индиjәдәк Иран Ислам Республикасынын истеһсалы олан ән стратежи тәjjарә саjылыр.
Сепаһын Баш Команданы, Ҝенерал Мәһәммәд Әли ҸәфәриАБШ-ын “РГ 170” моделли пилотсуз тәjjарәсиндә мүһәндислик вә елми ишләрин сона чатдығыны, иранлы елм адамларынын ону бәзи һиссәләрини һазырлаjараг истеһсал етдикләрини деjәрәк, jахын ҝәләҹәкдә Иран Ислам Республикасынын истеһсалы “РГ 170” моделли пилотсуз тәjjарә илә бағлы мүсбәт хәбәрләр верәҹәкләрини вурғулаjыб.
Диггәт: Хәбәрдән истифадә етдикдә мәнбәjә истинад лазымдыр
