Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Түркиjә васитәси илә, дүнjанын дөрд тәрәфиндән ҝәтиздирилмиш муздлу сәләфи jараглылары Суиjада әл-Гаидә беjнәлхалг террор тәшкилатынын “Ираг вә Шам Ислам Дөвләти” ганадыны тәшкил едәрәк Суриjа халгына гаршы амансыз ҹинаjәтләр төрәдирләр.
Белә ки, Суриjанын Һәләб раjонуинда күрдләрә гаршы амансыз дөjүшләр апармаг ниjjәтиндә олан “Ираг вә Шам Ислам Дөвләти” адлы террорчу груплашманын Чеченистан әсилли Өмәр Чеченли адлы баш командири Риф шәһәриндәки гаршыдурма заманы өлдүрүләрәк һәjат сәһнәсиндән әбәди олараг узаглашдырылыб...
Јүксәкликдә jерләшән Тәл Сәлур, Ҹәлмә, Дир Бәлут, Дива вә Молла Хәлил кәндләрини зәбт етмәjә чалышан Гафгаз, Азәрбаjҹан вә Орта Асиjа jараглыларындан ибарәт азғын террорчу груплашма, Ҹәндирәш кәндинә jүрүш едибләр. Лакин ҝөзләнилмәдән кәндин тәһлүкәсизликини горуjан күрдләрдән ибарәт көнүллү дәстәнин мүгавимәти илә үзләшән jараглылар, ағыр иткиләр верәрәк ҝери чәкилмәjә мәҹбур олублар.
Күрд көнүллүләринин әлинә кечмиш ики jараглынын ҹәсәдинин кимлиjи ики ҝүндән сонра мәлум олуб. Ҹәсәдләрдән бир “Ираг вә Шам Ислам Дөвләти” террор груплашмасынын баш командири Өмәр Чеченлинин диҝәри исә Орта Асиjалы Әбу Мәаза мәхсусдур.
Һал шаһидләринин билдирдиjинә ҝөрә, Өмәр Чеченли Һәләбин гәрб бөлҝәсиндәки Риф шәһәринин Әфрин шәһәрҹиjиндә күрдләрин компакт jшадыглары Тәл Сурә кәндиндәки көнүллү күрд дәстәләринин одлу силаһлардан ачдыглары ҝүллә илә jериндәҹә ҝәбәрдилиб.
Диггәт: Хәбәрдән истифадә етдикдә мәнбәjә истинад лазымдыр
