Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Малазиjада Әһли Беjт (әлеjһимус сәлам) давамчыларына гаршы тәгибләр сәнҝимәк билмир.
Малазиjадакы хүсуси мүхбиримизин вердиjи хәбәрә ҝөрә, дөвләт гуллугчулары, өлкәдә jашаjан Шиәләрә гаршы ганунсуз һәрәкәтләрә jол верәрәк, Шиә китабларыны сахламаг иттиһамы илә Әһли Беjт (әлеjһимус сәлам) давамчыларындан дөрд нәфәрин ишләрини арашдырмаг үчүн мәһкәмәjә верибләр.
Ганунсуз олараг һәбс олунан малазиjалы Шиәләрин адлары ибарәтдир: 1- 48 jашлы Әбдүл Мәнаф ибн Әбдүл Һәмид. 2- Әбдүл Мәнафын һәjат jолдашы. 3- 45 jашлы Әбу Бәкр ибн Әһмәд. 4- 48 jашлы Идрис ибн Муһәммәд Диса.
Мүхбиримиз билдириб ки, дүнән jерли вахтла сәһәр радәләриндә, Перак әjаләтинин Дини Комитәсинин мәмурлары “Сунҝаи Боҝак, Баҝан Сераи” мәнтәгәсиндә jашаjан Әбу Бәкр ибн Әһмәдин евинә ганунсуз олараг сохулмуш вә ибн Әһмәди һәбс етмишләр. Әбдүл Мәнаф вә Идрис исә “Кампунҝ Сунҝаи Репоһ дан Кампунҝ Сунҝаи Раwа, Баҝан Сераи” кәндиндә оларкән, евдә Шиә әдәбиjjаты сахладыглары иттиһамы илә мәмурлар тәрәфиндән һәбс едилибләр.
Билдирәк ки, ганунсуз сахланылан Шиә вәтәндашлары Малазиjанын Перак әjаләтиндә Шәриәт Мәһкәмәси гаршысында диндирилибләр.
Мәһкәмә проссесинә нәзарәт едән Һаким Муһәммәд Фузи Әзиз Әбдүл Вәһаб, Шиә вәтәндашларын иттиһамларыны, “Перак әjаләти мүфтилиjи тәрәфиндән, Әһли Беjт (әлеjһис сәлам) мәзһәбинин әдәбиjjат вә һәр нөв тәблиғат васитәләринин сахланылмасыны гадаған едән фәтвасы илә мүхалифәтчилик етдикләрини” билдириб.
Әдаләтсиз мәһкәмәнин гәрары илә һәбс олунанлардан үч нәфәри мүвәггәти олараг ҹәзачәкмә мүәссисәләринә jолланылыб. Әбдүл Мәнафын һәjат jолдашы исә, азjашлы ушагларына сәрпәрәстлик етмәк мәгсәдилә пул ҹәзасы мүгабилиндә азад олунуб. Мәһкәмә, нөвбәти проссеси 30 Октjабр, 2013 тарихдә кечириләҹәjини билдириб.
Хатырладаг ки, сон заманлар Малазиjада мүхтәлиф әjаләтләринин мәмурлары Әһли Беjт (әлеjһис сәлам) мәктәбинин давамчыларына гаршы тәсис олунан гадағалары гануниләшдирмәк мәгсәди илә, бүтүн анти-Шиә фәтвалары вә геjд олунанлары һәjата кечиртмәк үчүн аjрылан дөвләт бүдҹәсинин ваҹиб олдуғуну билдирибләр.
Өлкәдә анти-Шиә һәракатына лидерлик едән исә Малазиjанын сабиг баш назиринин оғлу Мухриз Маһатир Муһәммәддир. О, сон заманлар билдириш jаjымлаjараг, Малазиjада Шиәләрә гаршы даһа чох вә jени-jени гәрарларын чыхарылмасы үчүн Дини Комитәjә аjрылан дөвләт бүдҹәсинин артырылмасыны тәләб едиб.
Диггәт: Хәбәрдән истифадә етдикдә мәнбәjә истинад лазымдыр
