Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ДЧ-2014-үн сечмә мәрһәләси чәрчивәсиндә кечирилмиш ишғалчы исраил – Азәрбаjҹан матчы галмагалла jадда галыб.
Фәләстин торпагалрыны ишғал етмиш гондарма исраилин Рамат Гандакы гаршылашма заманы сионистләр стадионда гондарма Дағлыг Гарабағын сахта баjрағыны галдырыблар. Мәсәләни соjугганлылыгла гаршылаjан Азәрбаjҹан рәсмиләри бу өзбашначылыға нәинки етираз етмәмишләр һәтта ишғалчы режимин футбол командасы илә сәмими оjуна давам етмишләр.
Геjд едәк ки, бу, сон дөврләрдә азәрбаjҹанлы футболчуларын үзләшдиjи икинҹи белә тәхрибатды. Белә ки, бир мүддәт өнҹә Авропа Лигасынын икинҹи тәснифат мәрһәләси чәрчивәсиндә кечирилмиш “Гарабағ”ын Полша “Пиаст”ы илә сәфәр матчында полшалы фанатлар да охшар тәхрибата әл атмышдылар. Лакин о заман “Гарабағ” рәсмиләринин дәрһал мәсәләjә мүдахиләси һәмин сахта баjрағын трибунадан jығышдырылмасы илә нәтиҹәләнмишди. Ағдам клубу һәмчинин УЕФА-jа да шикаjәт үнванламышды вә нәтиҹәдә бу ҝүнләрдә гитә футбол гуруму “Пиаст”а ағыр ҹәза кәсди. Белә ки, УЕФА Интизам Комитәси Гливитсе командасыны 5 мин авро ҹәримәләди. Интизам Комитәси ҹәримә илә jанашы, клуба мәхсус стадионда “Ултрас” фанат групунун jер алдығы һиссәни дә бағлаjыб.
Диггәт: Хәбәрдән истифадә етдикдә мәнбәjә истинад лазымдыр
