Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Ислам Партиjасы функсионери Акиф Һеjдәрли Сәудиjjә Әрәбистаны кралынын Мисирдә һәjата кечирилән дөвләт чеврилишини дәстәкләмәси илә бағлы мөвгеjинә бәjанатла мүнасибәт билдириб.
О деjиб: “Сәудиjjә кралынын мөвгеjи һәр шеjдән өнҹә, Ислам әхлагына, әдаләтинә сығмаjан бир характерик ҹәһәтдир. Бу ҹүр мүнасибәти jалныз шеjтан әмәлинин бәһрәси кими гиjмәтләндирмәк олар. Мән бу жести Гәрбин вә сионизмин, башда АБШ олмагла Ислам динини террор вә зоракылыгла бағламасы ҹәһдинә кралын “бөjүк төһфәси” һесаб едирәм. Мүгәддәс торпағын мәркәзиндә дуранларын мәгсәд вә ниjjәтләринин белә мүнасибәтләрдә-инсанларын зоракылыг вә гәддарлыгла мәһв едилмәсини, азадлығын бүтүн нишанәләри вә әламәтләринин-азад сечкинин, халгын һакимиjjәтинин әлиндән зорла алынмасыны дәстәкләмәси вә дүнjаны бу әдаләтсизлиjә һәр нөв jардым ҝөстәрмәjә чағырмасы динимизә деjил, мәһз онун дүшмәнләринә хидмәт етмәләрини бир даһа сүбут едир. Бир даһа әмин олмаг олар ки, бу инсанларда Ислам дининдән әсәр-әламәт галмамышдыр.
Бу ҝүн Түркиjә Баш Назиринин дедикләри илә разылашмамаг олмаз. Мәккәjә нәзарәт Сәудиjjә Әрәбистанынын һимаjәсиндән алынмалы вә бүтүн дүнjа мүсәлманларынын, һагг вә әдаләт саһибләринин нәзарәтинә верилмәлидир.
Азәрбаjҹан Ислам Партиjасы Сәудиjjә кралынын Ислама гаршы бу зидд мөвгеjини тәсадүф кими гәбул етмир. Биз бу мөвгеjи режимин мәнтиги нәтиҹәси кими гиjмәтләндирир, вә бүтүн дүнjа һагсевәр мүсәлманларыны мүгәддәс зиjарәтҝаһлара саһиб чыхмаға, Аллаһын jаратдығы инсанлыг, әдаләт вә гиjамәт символларыны горумаға чағырырыг.
Биз Мисирдә баш верәнләри Ислам дүшмәнләринин Мүсәлман торпагларында нөвбәти вә һәм дә даһа иримигjаслы фитнә-фасады һесаб едирик. Стратежи марагларын, Ислам Оjанышы Һәрәкатынын jаjылмасындан вә мүсәлманларын вәһдәтиндән горхуjа дүшмәjин нәтиҹә олан бу зоракылыг һәр ҝүн инсанлыг фаҹиәси илә битдиjи үчүн Мисир халгы баш верәнләрә даһа аjыг нәзәрлә jанашмалы, дүшмәнин ниjjәтинин һәjата кечмәсинә jол вермәмәлидир.
Биз сионизмә дүнjаһәрислик наминә сатылмыш мәлун вә мүнафигләрә исә бирдәфәлик jох демәк вахтынын чатдығыны бир даһа бәjан едирик. Бу jолда Бөjүк Јарадан көмәjимиз олсун!”
Диггәт: Хәбәрдән истифадә етдикдә мәнбәjә истинад лазымдыр
