Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын рәсми Әјн Хәбәр Аҝентлији Дахили Ишләр Назирлијинә истинадла билдириб: “24 ијул, 2013 тарихдә, Бағдадын Шимал Шосеси илә һәрәкәт едән јүк машынларынын 14 сүрүҹүсү, сахта кечид мәнтәгәсиндә јараглылар тәрәфиндән гәтлиам олублар.”
Һадисә, дәгиг Бағдаддан 160 км мәсафәликдә јерләшән Сүлејман Бәј гәсәбәсиндә баш вериб. Сәбәби исә, јараглыларын Ираг Полисләриндән гисас алмалары олуб.
Сүлејман Бәј гәсәбәсинин бәләдијјәси Талиб Муһәммәд, Шәһид оланларын һаммысынын Әһли-Бејт (әлејһимус сәлам) давамчыларындан олдугларыны билдирәрәк, онларын Бағдаддан Кәркүкә јардым дашыдыгларыны гејд едиб.
Талиб Муһәммәд, һадисәнин тәфаррүатына ишарә едәрәк дејиб: “Јараглылар, сахта кечид мәнтәгәси тәшкил едәрәк, илк өнҹә гејд олунан сүрүҹүләрдән сәнәдләрин ҝөстәрмәләрини тәләб едир. Сәнәдләрә бахдыгда сүрүҹүләрин Шиә олдугларына там әмин олдугдан сонра, вәһшиҹәсинә һаммысыны ҝүлләләјәрәк Шәһид едибләр.”
Диггәт: Хәбәрдән истифадә етдикдә мәнбәјә истинад лазымдыр
