Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азад Сурија Ордусунун тәркибиндә дөјүшән террорчу азәрбајҹанлылардан бири өлкәнин силаһлы гүввәләри тәрәфиндән өлдүрүлүб. Бу барәдә Модератор.аз-а Суријада өлдүрүлән Тәртәр рајон сакини Әнвәр Зејналовун јахынлары мәлумат вериб. Мәлуматда гејд олунур ки, Әнвәр Зејналовун ҹәназәсини Азәрбајҹана ҝәтирмәк мүмкүн олмајыб. Јараглынын јахынлары Азәрбајҹанын һүгуг-мүһафизә органларына мүраҹиәт етсәләр дә һеч бир нәтиҹә алынмајыб. Сонда Әнвәр Зејналов елә Суријада дәфн едилиб.
Тәртәр рајонунда исә вәһаби јараглысынын јас мәҹлиси тәшкил олунуб. Террорчу Әнвәр Зејналовун валидејнләринин јашадығы Тејмур Әмраһов күчәсиндә тәшкил олунан мәрасимдә јерли әһалидән даһа чох вәһһаби тәригәтинә гуллуг едән террорчулар иштирак едиб.
Тәртәр Рајон Полис Шөбәсинин саһә рәиси Шаһин Һүсејнов Модератор.аз-а ачыгламасында факты тәсдигләјиб. Саһә рәиси һүзр мәрасиминин сакит шәкилдә кечдијини дә дејиб.
Артыг сон заманлар сөзү ҝедән тәһлүкәли тенденсија даһа да артыб. Белә ки, апарылан гејри-рәсми арашдырмалара ҝөрә һазырда Пакистан вә Әфганыстанда 250-300-ә јахын, Суријада исә 100-дән чох Азәрбајҹанлы вәһһаби террорист дөјүшләрә гатылыб. Террористләрдән 3 нәфәринин гадын олдуғу билдирилир.
Јаранмыш вәзијјәт ајдынлыг ҝәтирмәк үчүн ХИН мәтбуат хидмәтинин рәһбәри Елман Абдуллајевлә әлагә сахладыг. ФактХебер.ҹом-ун сорғусуну ҹавабландыран ХИН рәсмиси билдирди ки, Азәрбајҹанын һазырда Суријада сәфирлији јохдур вә бундан өнҹә сәфирлијин фәалијјәти дөврүндә орада јашајан азәрбајҹанлылар барәдә дәгиг мәлуматлар әлдә етмәк мүмкүн иди: “Һазырда Азәрбајҹанын Суријадакы сәфирлији Бејрутда фәалијјәт ҝөстәрир. Лакин биз чалышырыг ки, бу мәсәләләри арашдыраг. Ону да гејд едим ки, сөзүҝедән проблеми арашдырмаг һазырда олдугҹа чәтин бир мәсәләдир.”
Елман Абдуллајев ону да билдирди ки, Суријадакы вәзијјәтин мүрәккәблијинә нәзәр алараг орада нә гәдәр азәрбајҹанлынын олдуғу арашдырмаг чәтиндир: “Биз буну арашдырмаға чалышырыг. Ејни һалда сөзүҝедән проблем бизим ҹидди нәзарәт вә диггәтимиз алтындадыр вә арашдырмаларымыз давам едир.”
Диггәт: Хәбәрдән истифадә етдикдә мәнбәјә истинад лазымдыр
