Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, танынмыш суријалы һәрбчи Ајһам Әбдүлрәһман ГафгАзНjyс сајтына ексклүзив мүсаһибә вериб. Мүсаһибәни зијарәтчиләримизә тәгдим едирик.
— Әссаламу әлејкум, ҹәнаб Әбдүлрәһман. Шәхсән Сизи вә бүтүн Сурија халгыны әл-Гусејрин азад олунмасы мүнасибәтилә тәбрик едирәм.
— Чох сағ ол, әзизим. Бу һәр биримизин гәләбәсидир. Бу гәләбә илә мүһарибәни битмиш һесаб етмәк олар. Орада террорчуларын бели сындырылды. Онларын мәһв едилмәси мәсәләси артыг заман мәсәләсидир. Онларын там јох олмасына аз галды.
— Гыса олараг әл-Гусејр әмәлијјаты һаггында даныша биләрсиз?
— Сөһбәтә әл-Гусејр рајонунун әһәмијјәтини гејд етмәклә башламаг истәрдим. О, Суријанын мәркәзиндә гәрар тутур вә өлкәнин ҹәнубуну пајтахт Дәмәшг вә Сурија саһили, Латакија, бир сыра өнәмли лиман вә Русијанын Тартусдакы базасы илә бирләшдирир. Әҝәр дүшмән әл-Гусејр вә онун әтрафлары үзәриндә там нәзарәти бәрпа едә билсәјди, пајтахты етибарлы арха ҹәбһә вә адәтән лиманлардан ҝәлән техники тәҹһизатдан тәҹрид едәрди. Бу рајонун икинҹи стратежи әһәмијјәти ондан ибарәтдир ки, орада “Һизбуллаһ” һәрәкатынын тәҹһизат јоллары јерләшир. Сон ониллик әрзиндә әл-Гусејр Сурија васитәсилә “Һизбуллаһ”ын Ирандан ҝәлән ән јени техника илә тәҹһизи мәсәләсиндә өнәмли рол ојнајырды. Әҝәр дүшмән, хүсусилә дә Исраил, бу рајон үзәриндә нәзарәти әлә кечирә билсәјди, “Һизбуллаһ” чәтин вәзијјәтә дүшәрди вә сионист режимилә мүһарибә тәгдириндә өнәмли тәминат артеријасындан мәһрум оларды. Сонралар Сурија ордусу тәрәфиндән мүсадирә едилмиш Исраил мәншәли мүасир силаһлар арсеналынын террорчуларда варлығы мәһз бунунла изаһ олунур. Сионистләр вә онларын мүттәфигләри – АБШ илә Гәрб, икинҹи Ҹеневрә конфрансына ҝүҹлү дәлиллә ҝетмәк вә орада өз шәртләрини диктә етмәк үчүн әл-Гусејрдә уғур газанмаға чох үмидли идиләр. Сурија рәһбәрлији вә онунла бирликдә “Һизбуллаһ” бу планы ифша едиб онун гаршысыны алмаға гәрара алдылар. “Һизбуллаһ”ын баш катиби Сејјид Һәсән Нәсруллаһ бу һаггында иҹтимаијјәт гаршысында данышды, һәрчәнд суса да биләрди. Лакин белә бир мәсәләни мүтләг иҹтимаиләшдирмәк лазым иди ки, дүшмән баша дүшсүн: бурада артыг мөһкәм иттифаг чыхыш едир. Бу иттифаг “Һизбуллаһ”ын мәскән салдығы Ҹәнуби Ливандан, Сурија вә Ираг васитәсилә та Ирана гәдәр узаныр. Дүшмәнә ваҹиб бир исмарыҹ чатдырмаг лазым иди: бундан сонра иттифаг тәкбашына һәрәкәт етмәк фикириндә дејил. Вә әҝәр дүшмән силаһландырмасында бу гәдәр сәј вә сәрмаје гојдуғу әл-Гусејри хилас етмәк үчүн ҝениш мигјаслы әмәлијјата башласа, иттифагын бүтүн үзвләри әл-әлә вериб мүһарибәјә ҝиришәҹәкләр. Сурија ордусу шәһәрин азад едилмәсинә даир план ҹызды.
Орду гүввәләри ијунун 5-дә сүбһ чағында һүҹума кечмәли идиләр. Бу тарихин сечилмәси дә бөјүк әһәмијјәт дашыјырды, чүнки мәһз 1967-ҹы илин 5 ијунунда Иорданија кралынын хәјанәти уҹбатындан Исраил режими Голан јүксәкликләрини әлә кечирмишдир. Сурија рәһбәрлији Исраилин планларына галиб ҝәлмәклә бу пис јаддашы силмәк истәјирди.
Әл-Гусејр Сурија-Ливан сәрһәдиндә јерләшир вә орду гүввәләринин һүҹуму тәгдириндә, террорчулар Ливана чәкилиб орада даһа мүнасиб вахтын ҝәлишинә гәдәр мәскән сала биләрдиләр. Мәһз бурада “Һизбуллаһ”ын нөвбәси чатды. Онлар террорчуларын чәкилмә јолларыны кәсиб онларын гачмаг еһтималынын гаршысыны алмалы идиләр. План баш тутду вә һәлә Суријада өлдүрүлмүшләри нәзәрә алмајараг чохлу сајда террорчу артыг Ливан әразисиндә мәһв едилмишдир. Ливана чәкилмә јолларынын кәсилмәсиндән сонра, галан террорчулара әл-Зәбијјә рајонуна чәкилмә јоллары һазырланды. Орада да террорчулары суријалы хүсуси тәјинатлылар ҝөзләјирди вә јериндәҹә онлары мәһв етдиләр. Бандитләрин сон галыглары Буајд кәндинә үз тутдулар вә орада да орду гүввәләрилә гаршылашыб мәһв едилдиләр. Әмәлијјатын әсас мәгсәди әл-Гусејр ҹәбһәсинин белини там гырмаг вә мүмкүн гәдәр чох террорчуну мәһв етмәк иди. Аллаһа һәмд олсун ки, план мүвәффәгијјәтлә баш тутду.
— Әл-Гусејр зәфәриндән, ардынҹа исә Дәрәа шәһәрҹилијин азад едилмәсиндән сонра, сијаси аналитикләриндән бири јазды: “Белә ҝетсә, Сурија һөкумәтилә Ҹеневрәдә данышыглар апармаг үчүн бир кимсә галмајаҹаг.” Бу даһа чох зарафата охшаса да, мәлум олдуғу кими, һәр зарафатда бир һәгигәт вар. Һәгигәтән диҝәр шәһәрләрин дә азад едилмә вә террорчуларын там олараг мәһв едилмә планлары мөвҹуддур, јахуд орду стратежи фасилә ҝөтүрмәк фикириндәдир?
— Һеч бир фасилә омајаҹаг! Президент ачыг-ашкар деди: “Өлкә террорчулардан там олараг тәмизләнмәлидир!” Вә бундан сонра Суријанын Мүдафиә Назирлијиндән сәрт бир рәсми бәјанат ҝәлди. Орада дејилирди: “Террорчулугла мүбаризәнин данышыглара һеч бир аидијјаты јохдур. Террорчулары һеч ким данышыглар масасы архасына дәвәт етмир. Онларын ҹәми ики сечими вар: ја силаһы јерә гојуб әдаләтли мәһкәмәјә үмид етмәк, ја да мәһв едилмәк.
Политологун сөзләринә ҝәлинҹә ки, данышыглар апармаг үчүн бир кимсә јохдур, ахы президент Бәшәр Әсәд әввәлдән дејирди: “Биз бу мүхалифләрин әрбаблары – АБШ вә онун мүттәфигләрилә данышыглар апарырыг, чүнки мүхалифләрин өзләриндән һеч нә асылы дејил. Онлар Гәрбин әмрләрини јеринә јетирирләр.”
— Јери ҝәлмишкән, өлкәнин террорчулардан тәмизләнмәси һаггында. Сон мәлуматлара ҝөрә Һәләбин тәмизләнмәсинә артыг башланылды, амма индидән ајдындыр ки, орду үчүн әл-Гусејрлә мүгајисәдә гат-гат чәтин олаҹаг. Ахы мәлумдур ки, јерли әһалинин ҝүҹлү нифрәтинә рәғмән, террорчулар бу шәһәрдә мөһкәм дајаглара саһибдир. Бу контекстдә, Һәләбин азад олунаҹағы нә гәдәр реал ҝөрүнүр вә орду орада узун ајлара илишмәјәҹәкми?
— Хејр, елә дејил. Һәләбин өзүндә террорчулар һеч бир дајаға малик дејилләр. Һәм дә шәһәрин ҹәми 10%-и онларын нәзарәти алтындадыр. Террорчулар әсасән шәһәрин әтрафында – кәндләрдә ҹәмләшдиләр. Орду үчүн орада онларла мүбаризә апармаг даһа асан олаҹаг. Орада ачыг бир јердир вә авиасија еффектив ишләјәҹәк. Индиҹә хәбәр ҝәлди ки, узун мүддәт террорчуларын мәскәни олмуш Тал Шуеһне рајону артыг азад едилди вә орду ирәли ҝетди. Һәрчәнд бу јер вәһһабиләрин дајагларындан бири сајылырды. Иншаллаһ јахын ҝүнләрдә орадан јахшы хәбәрләр ешидәҹәјик.
— Сөһбәт вәһһабиләрдән дүшмүшкән, онларын өзләри һаггында да данышмаг мараглы оларды. Әсәд гүввәләринә гаршы вурушан бу тәригәтин бир нечә мәнсубу илә сөһбәтләшмәјә фүрсәт тапмышдым. Онларын чоху сәмими инаныр ки, Әсәдә галиб ҝәлдикдән сонра мүгәддәс Гүдсү азад етмәјә ҝедәҹәкләр. Сизин фикринизә ҝөрә, вәһһабиләр Америка вә Исраилин марагларына хидмәт етдикләрини дәрк едирләр, јохса һәгигәтән дә дүшүнүрләр ки, Ислам јолунда дөјүшүрләр вә Аллаһа хош бир иш едирләр?
— Онлар билә-билә АБШ вә сионизмә хидмәт едирләр. Әлбәттә ки, онлар кимисә алдада биләрләр, амма узун мүддәтә јох. Онсузда ахырда һәр шеј бәлли олур. Бунун мисалы Суријада иди. Бәзиләри доғрудан да фикирләширдиләр ки, Исраилә гаршы вурушурлар, һәгигәти өјрәндикдән сонра исә, силаһы атыб өлкәни тәрк етдиләр. Бәзиләрин исә бәхти ҝәтирмәди. Онлар өлкәни тәрк етмәк нијјәтиндә олдугларыны билдирдикдә, елә өзүнкүләри тәрәфиндән өлдүрүлдүләр.
Бир нечә мисала мүраҹиәт едәк: әҝәр террорчуларын мәгсәди доғрудан да Гүдсдүрсә, нијә онлар Исраил силаһларыны ҝәздирирләр? Әҝәр террорчулар Гүдс уғрунда мүбаризә апарырларса, нијә исраиллиләрин јанында мүалиҹә алырлар? Онлар Сурија ордусу илә ҹәнубда дөјүшүрләр, орду онлары сыхышдыранда исә, исраиллиләрә пәнаһ апарырлар. Нијә террорчулар Исраилә гаршы дөјүшмүрләр? Ахы орада онлара буну етмәјә һеч ким мане олмур.
Бу јахынларда Исраил мәтбуатында белә бир хәбәр чыхды: бир јаралы вәһһабини Исраил тәҹили јардымы апарды. Јардым ҝөстәрмәк үчүн ону сојундуранда ҝөрдүләр ки, белинә шәһид кәмәрини бағламышдыр. Нијә өзүнү исраиллиләрлә бирликдә партлатмады? Ахы о, кәмәри өзүнү дүшмәнлә бирликдә партлатмаг үчүн тахмышдыр. Бујур, дүшмән сәнин әтрафындадыр. Партлат вә сүбут ет ки, сән доғрудан да онлары дүшмән һесаб едирсән.
Вә сонунҹу мисал: Исраил авиасијасы Дәмәшгә һүҹум едәндә, террорчулар бүтүн бунлары һәлә һүҹумдан габаг чәкирдиләр. Камералар мәһз партлајышын баш верәҹәји јердә гојулмушдур. Бу артыг террорчуларла сионистләрин там гаршылыглы әлагәсиндән хәбәр верир. Үстәлик дә, һава һүҹумундан дәрһал сонра, террорчулар Дәмәшг рајонларына сохулмаға ҹәһд етмишдиләр.
— Бу јахынларда президент Бәшәр Әсәд дә террорчуларын Исраилдән дәстәк алмасы һаггында данышырды. Сионист режиминин Сурија мүнагишәсини аловландырмасы ондан хәбәр вермир ки, дахили дүшмәнләрә галиб ҝәләҹәјиндән сонра, Әсәд Исраиллә мүһарибәјә башлајаҹаг? Хүсусән дә әзәли Сурија торпағы – Голан јүксәкликләринин һәлә дә сионистләрин ишғалы алтында олмасыны нәзәрә алараг.
— Фикримҹә, елә дә олаҹаг. АБШ вә Исраил һәлә мәрһум президент Һафиз Әсәдә јүксәкликләрин гајтарылмасыны тәклиф етмишди, амма бир шәртлә: Фәләстин һаггында унудулсун вә Ливан илә Фәләстинин мүгавимәт ҝүввәләринә дәстәк дајандырылсын. О, имтина едиб ҹаваб вермишди ки, Фәләстин Голандан да габаг Фәләстин халгына гајтарылмалыдыр вә бир сантиметр бе
