Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Фәләстин торпагларыны ишғал етмиш сионист исраил режиминин хүсуси хидмәт органларына бағлы олан “ДЕБКАфиле” адлы сајтда 19 мај тарихиндә бир арашдырма јазыда Суријанын Гусејр шәһәриндәки дөјүшләрин ҝедишаты вә сонрадан баш верәҹәк прогнозлар јер алыр.
Анализдә дејилир:
...Исраилин баш назири Бенјамин Нетанјаһунун Суријада Ирандан Ливана ҝедәҹәк силаһларла бағлы ачыгламасындан дәрһал сонра “Һизбуллаһ” Суријадакы мүхалифәтә мүдахилә етмә гәрары алараг Сурија ордусу илә бирликдә Гусејрдә ҝениш чапылы әмәлијјат башлатдылар. Гусејр Суријадан Ливана ҝедән јоллары идарә едә биләҹәк бир стратежи бөлҝәдир. “Һизбуллаһ”ын әмәлијјаты бөјүк бир уғур иди. Чүнки Ирандан Сурија јоллары илә ҝедәҹәк силаһлар һәдәфә чата биләҹәкди. Бу, Әсәдә гаршы дөјүшән групларын Гусајрда ән бөјүк итки вә ән бөјүк уғурсузлуғу иди. ДЕБКА-ја ҝөрә Әсәд режими Гусајрда ашағыдакы үстүнлүкләри әлдә етди:
1. Сурија мүхалифләринин Ливан үзрәиндән (Мүстәгбәл партијасынын јардымы илә) Сәудијјә, Гәтәр вә БӘӘ-јиндән ҝәлән көмәкләрин гаршысыны алды.
2. Сурија ордусу Дәмәшг, Һама, Һәләб арасындакы әлагә јолларыны әлә кечирмәклә јанашы мүхалифләрин Һумуса јахын јерләрдәки дурумлары чох писләшди.
3. Мүхалифләр Гусајрдан чыхдыгдан сонра јалныз вә јалныз әсас јардым Түркијәнин өһдәсинә дүшдү
Исраил хүсуси хидмәт органларына бағлы сајтын мәлуматында Әрдоған һаггында да мараглы мәлумат јазыр. “Әрдоған үмуми һәрәкәтләриндә 180 дәрәҹә дәјишди. Чүнки, Әрдоған әввәлки чыхышларында үсјанчыларын өлкәнин мүхтәлиф јерләриндә мүдафиәси үчүн учушла бағлы бөлҝә јарадылаҹағыны билдирсә дә (Түркијә әразиси дахил), 17 мајда Ағ Евдә Обама илә ҝөрүшүндән сонра, Сурија мәсәләсинин һәлли үчүн Москва вә Вашингтонун бирликдә тәшкил едәҹәји бејнәлхалг конфрансын Сурија проблеминин һәллиндә әсас рол ојнаја биләҹәји һагда (истәмәсә белә) ачыглма верди.
Бу ачыг ашкар үсјанчылара јардымдан Әрдоғанын гачмасы мәнасыны верирди. Конфранса ҝәлинҹә, јахшы мәлумдур ки, Әсәд мүхалифәтә өз постуну һәвалә етмәјәҹәкдир вә нәтиҹә әлдә етмәк үчүн АБШ-ын долајысы јолла Русија, Иран вә “Һизбуллаһ”а тәзјиг етмәси лазымдыр (бу да гејри реалдыр). Конфранс үчүн дәгиг бир вахт тәјин едилмәсә дә, Түркијәнин пилләли олараг үсјанчылара јардымы азалмагдадыр. Бу да, үсјанчыларын диолога разы салынмасы анламыны верә биләр.
Исраил үчүн Гусејр мәғлубијјәтинин мүхалифләрә едилән јардымларын кәсилмәси мәнасыны верирсә, ејни заманда Иранын Ливан “Һизбуллаһ”ына ҝөндәрдији көмәкләрин јолунун ачылмасы мәнасыны верир. Бу да, “Һизбуллаһ”ын Әсәд ордусуна јардымы гаршылығында онлара верилән мүкафат ола биләр.
Нетанјаһу “Һизбуллаһа ҝедән јардымларын гаршысыны алаҹағыг” ачыгламасында ҹиддидирсә ашағыдакы 3 варианта әмәл етмәлидир:
а) Сурија вә “Һизбуллаһ” ордулары Гусајры там нәзарәтинә алмамыш бөлҝәјә һәрби мүдахилә етмәлидир. Бу варианр Сурија вә “Һизбуллаһ”ла бирбаша мүһарибәјә ҝирмәк мәнасыны вердијиндән мәнтигли ҝөрүнмүр.
б) Суријадан Ливана ҝедән силаһ карваныны бомбаламаг. Бу ҹүр 3 дәфә Исраил аддым атыбдыр ки, бөјүк нәтиҹә әлдә етмәјиб. Чүнки, силаһларын һиссәләрә бөлүәрәк Ливана ҝөндәрилмәси даһа реалдыр.
ҹ) Силаһлар тәслим едилдикдән сонра, сон һәдәфләри, јәни “Һизбуллаһ”ын силаһ амбарларыны бомбаламаг. Бу да,әлбәттә ки, гәти олараг “Һизбуллаһ”ла Исрал арасында јени бир мүһарибәнин башламасына сәбәб олаҹагдыр.
Диггәт: Хәбәрдән истифадә етдикдә мәнбәјә истинад лазымдыр
