Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Исламазери.аз 11 ил һәбсә мәһкум едилмиш мүбариз руһани һаҹы Абҝүл Сүлејмановун һәјат јолдашы Зәһра Сүлејмановадан мүсаһибә алыб.
Мүсаһибәни зијарәтчиләримизә тәгдим едирик:
Салам....
...һаҹынын јохлуғу сизин үчүн чәтин дејилми?
- Әлејкумәс салам. Бисмиллаһир рәһманир рәһим вә биһи нәстәин иннәһу хәјрун насирин вә муин. Мүбарәк рәҹәб ајындајыг. Бу ајда бүтүн мүсәлманлара ибадәтләринин гәбулуну вә бу ајдан лајигинҹә бәһрә апармағы арзулајырам.
Һаҹы Абҝүл кими инсанын бизим арамызда олмамасы чәтин олмаја билмәз. Һәдисдә дә бујурулдуғу кими: “Евин башчысынын ев әһлинин үзәриндә олмағы, пејғәмбәрин өз гөвмүнүн арасында олмағы кимидир.”
Бу чәтинлији аилә башчысындан бир мүддәт узагда галан һәр бир инсан һисс едир. Бу гачылмаздыр. Амма һәрбир чәтинлији јүнҝүлләшдирән вә ја арадан апаран инсанын иманыдыр. Чәтинликләр вахты сәбрин дәрәҹәси иманын өлҹүсү гәдәрдир. Зиндандакы мәһбуслар вә аиләләри дә бу ҹүрдүр. Сәбр иманла өлҹүлүр. Кимин иманы нә гәдәрдирсә сәбри дә о гәдәрдир.
Артыг ики илдир ки, аиләнин рәһбәри зиндандадыр. Онунла ҝөрүшә билирсинизми?
- Һаҹы тутулдуғу ҝүндән бир ил әрзиндә нә һаҹыдан бир хәбәр ала билдик, нә дә ҝөрүшә билдик. Бу бир илдән сонра кечирилән мәһкәмәләрдә илк дәфә һаҹыны ҝөрдүк. Ондан сонра нәһајәт ки, илк ҝорүшүмүз бу илин март ајинда пенитенсиар хидмәтин мүалиҹә мүәссисәсиндә олду...
Һаҹы Абҝүлүн өвладларынын һәјат тәрзи, јашамы неҹәдир? Аталарынын јохлуғу онлар үчүн јәгин ки, чәтиндир. Онлар бу чәтинлији нә үчүн јашадыгларыны анлајырлармы?
- Һаҹы Абҝүл өвладларыны һәмишә башына јығар, онларла бирликдә вә тәкликдә сөһбәт едәрди. Онлара дүнјанын вә дүнјаја ҝәлмәкләринин һәдәфләрини баша саларды. Аллаһа шүкүрләр олсун ки, ушагларын кичик олмаларына бахмајараг Мәһәммәд Ҹавадын дили илә десәк: "Мән ахирәти дүнјадан үстүн тутуб, ахирәти сечирәм". Онларын ахирәти сечмәкләри дүнјадакы әзијјәтләр гаршысында сәбрли олмаға сәбәб олур вә аталарындан мүвәггәти ајрылығы асанлашдырыр.
Һаҹы Абҝүл аиләдә әхлаг нүмунәсидир. О ушаглара дини әдәбләри өјрәдәр вә бу әдәбләрә өзү дә әмәл едәрди. Һаҹынын мүбаризлији, ондакы олан дини гејрәт вә Аллаһа хатир һәтта өвладларындан, раһатчылығындан кечмәси, зиндана дүшмәси онларын әхлагларынын вә фикирләринин бөјүмәсинә чох ҝөзәл тәсир етди. Бу хүсусијјәтләр өвладлары үчүн әмәли дәрсдир вә сөзлә олан дәрсләрдән даһа тәсирлидир. Һаҹы илә дүнән ҝөрүшәндә һаҹы азадлыға чыхмасынын арзусунда олдуғуну деди. Амма бу азадлыг бизим фикирләшдијимиз зинданын хариҹи, бајыр дејилди. О, бу азадлыг истәјинин даһа үстүн бир шеј олдуғуну - азадә олмаг истәјидир. Бу өзү ушаглара бөјүк дәрсдир.
Өвладларыныз һаҹыны ата кими даһа чох севирләр, јохса Һаҹы Абҝүл Сүлејманов кими?
- Демәк олар ки, һәр икиси. Чүнки, һаҹы һәм ата кими нүмунәдир вә һәмчинин мүбариз шәхс кими. Амма ушагларын һаҹынын ҹыхышларына демәк олар ки, һәр ҝүн гулаг асмалары, аталарынын мүбаризлијини, Аллаһдан башга һеч кәсдән вә һечнәдән горхмамағыны ҝөрәндә онларын аталары илә фәхр етдикләрини һисс едирәм.
Өвладлары онун јолуну ҝөзләјир. Амма ата кими јох. Бир киши кими, башы уҹа олараг арамыза гајытмағыны ҝөзләјирик.
Дединиз ки, һаҹы Абҝүллә ҝөрүшмүшүк. Һаҹы илә ҝөрүшәндә һаҹы әсас мәсәләләр кими нәләрдән данышырды?
- Һаҹы һәр дәфә илк олараг ҹәмијјәтдәки мәсәләри вә мөминләрин ишләрини сорушур. Сизә билдирим ки, зиндандакы мөминләрин бизләрдән интизарлары вар. Илк сорушдуғу достлары вә мәһбус аиләләри олур. Биринҹи һаҹы Мөвсүм Сәмәдову сорушур вә онун сәһһәти илә марагланыр. Һаҹы Абҝүл бу јолун давам етдирилмәсини, һиҹаб мәсәләси вә мәһбусларын азад олунмасыны, тапдаланмыш һаггларын бәрпасы уғрунда дајанмамаға чағырыр. Һәр ким бу мәсәләләрә сусса һиҹаба, мәһбуслара, онларын аиләләринә вә ҝөзү гапыда галмыш өвладларына зүлм етмиш олдуғуну билдирир.
Һаҹынын амалы барәдә нә дејә биләрсиниз?
- Һаҹынын амалы ҝөрдүкләри ишләрдән вә бәјанатларындан мәлумдур. Һаҹы Абҝүл бизим мүсәлман милләти олараг бу дөвләтдә милли, мәнәви вә дини дәјәрләримизә һәр кәсин һөрмәт етмәсини вә дини ајинләрин јәринә јетирилмәсиндә һеч бир гадаға олмамасыны тәләб едир.
Азәрбајҹанда вә хариҹдә исламофобија илә мүбаризәнин үмуми бир ады вар: "мүгавимәт һәрәкаты". Даим чыхышлары, аксијада ҹанлы иштиракы, малы вә ҹаны илә бу јолда хидмәтинә ҝөрә, истәр өлкәдә олсун, истәрсә дә хариҹдә Һаҹы Абҝүл бу һәрәкатын лидерләринин өндәри кими таныныр. Белә бир шәхсијјәтин һәјат јолдашы олараг ҹәмијјәтә сөзүнүз нәдир?
- Һамы билмәлидир ки, биз бу торпағын өвладларыјыг вә мүсәлманыг. Бу милләти биз тәшкил едирик. Бу милләтә һөрмәтлә јанашмаг вә онларын һаггларыны бәрпа етмәк лазымдыр. Бу милләтин јүзләрлә гызлары мәктәбә ҝедә билмир вә тәһсилдән узаг галиблар. Амма бу һеч кәси нараһат етмир. Буну проблем билмирләр вә бунун һәлли үчүн чалышмырлар. Әҝәр беләдирсә буну өзүмүз һәлл етмәлијик. Һәр кәс Һаҹы Абҝүлү өндәр билирсә онун тутдуғу јолу сона кими јорулмадан вә горхмадан давам етмәли, она мүти олмалыдырлар.
Мәһбус аиләләрини ҝөзәл сәбрә дәвәт едирәм. Әҝәр бизим ағаларымыз зинданда олан чәтинликләрә сәбр едиб, әјилмирләрсә, биз дә ҹәмијјәтдә онлардан ајрылыға сәбр етмәли, онларын бизә әманәт етдикләри өвладлары лајигинҹә дини тәрбијәдә бөјүдүб мүсәлман ҹәмијјәтинә тәһвил вәрмәли, онларын азадлығы үчүн әлимиздән ҝәләни етмәлијик. Мүтләг бу чәтинликләр тез бир заманда сона чатаҹаг. Амма бизә галан исә бу имтаһанларда газандыгларымыз олаҹаг. Бу мүбаризәдә бүтүн мүсәлманлара уғурлар арзу едирәм.
Сонда сизин сајта өз тәшәккүрүмү билдирир, сизин һәмишә һаггы јајыб, мәһбуслары унутмамагыныза ҝөрә әҹринизи Аллаһдан диләјирик.
Мүсаһибәни һазырлады Турал Әли
Диггәт: Хәбәрдән истифадә етдикдә мәнбәјә истинад лазымдыр
