Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән 12 мај 2013 тарихдә, Ливанын Бәлә Бәк шәһәриндә гәрибә һадисә гејдә алыныб. Һадисә шәһәрдә јерләшән Имам Һүсејнин (әлејһис сәлам) Халә (خولة сәламуллаһи әлејһа) адлы гызынын һәрәминдә баш вериб.
Дүнән ҝүнортадан сонра јерли вахтла саат 16:00 радәләриндә, һәрәмдә әзадарлыг мәрасими гејд едән Шиәләр, һәрәмин зәриһи, вә ханымын мүбарәк мәзарына битишик дивар вә гапылардан гана охшар мајенин ахмасынын шаһиди олублар.
Мөминләр буну ҝөрҹәк, мүбарәк мәзарын әтрафына топлашараг мөҹүзәли сәһнәни јахындан мүшаһидә едибләр. Һадисәдән хәбәрдар олан бир груп јерли Алим вә Руаһниләр дә һәрәмә ҝәләрәк һадисәни өз ҝөзләри илә ҝөрүбләр.
Һәзрәти Халәнин (сәламуллаһи әлејһа) һәјаты һаггда гыса анлајыш
Диндән узаг олан Језид ибни Мүавијјәнин (әлејһимә ләнә) әмри илә, ибни Зијадын (ләнәтуллаһи әлејһ) тәшкил етдији 30 миндән артыг гошун, Кәрбәла чөлүндә Имам Һүсејни (әлејһис сәлам) вә онунла бирҝә оланлары ҝөрүнмәмиш вәһшиликлә гәтлә јетирдикдән сонра, Ислам Пејғәмбәринин (сәлләлаһу әлејһи вә алиһ) гызы Ханәм Фатимәи Зәһрадан (сәламуллаһи әлејһа) олан нәвә вә нәтиҹәләрини әсир ҝөтүрәрәк шәһәрбәшәһәр ҝәздириб, Шама (индики Дәмәшг вә онун әтраф бөлҝәләри олан Ливана) ҝәтиздирдикдә, јолун әзаб-әзијјәтләринә, надан инсанларын сөјүш вә тәһгирләринә дөзмәјән, Имам Һүсејнин (әлејһис сәлам) Халә ( خولة) адлы (сәламуллаһи әлејһа) гызы Бәлә Бәкк шәһәриндә дүнјасын дәјишәрәк шәһид олур. Вә елә бу шәһәрдә дә торпаға тапшырылыр. Һазырда ханымын пак һәрәми Ливан Шиәләринин хүсусилә дә Бәлә Бәкк шиәләринин топлум вә зијарәт мәркәзинә чеврилиб.
Билдирәк ки, Аллаһын ләнәтинә ҝәлмиш Језидин гошуну тәрәфиндән, Күфәдән пијада, әсирләр илә баһәм Имам Һүсејнин (әлејһис сәлам) мүбарәк башыны бу шәһәрә ҝәтирдикдә орада бир ҝүн галараг, Пејғәмбәрин әсир дүшмүш балаларыны хар етмәк мәгсәдилә ҹамата ҝөстәрирләр. Диҝәр шәһәрләдә олдуғу кими, бурада да ҹамаат әсирләрин ҝөзләри өнүндә шадлыг едир, рәгс ојнајыр вә шәраб мәҹлиси тәшкил верирләр... Лакин чох кечмир ки, әһали әсир дүшмүш инсанларын кимләр олдуғуну билир вә вә төвбә едикдән сонра Имам Һүсејнин (әлејһис сәлам) мүбарәк башынын сахландығы мәкан үзәриндә Мәсҹид тикирләр. Һазырда Бәлә Бәкк шәһәриндә “Мәсҹиду Рәсил Һусејн (әлејис сәлам)” адлы Мәсҹид, һәлә дә мөвҹуддур.
Гејд едәк ки, бу ил, Ашура ҝүнү Кәрбалада Имам Һүсејнин (әлејһис сәлам) һәрәминдәки музејдә, шүшә ичәрисиндә сахланан Имам Һүсејнин (әлејһис сәлам) гәбринин үзәриндән ҝөтүрүлмүш бир мигдар торпаг да гана чеврилмишдир.
Әтрафлы мәлумат әлдә етмә үчүн бу линкә тыклајын:
Зәвварларын ҝөзү өнүндә Имам Һүсејнин (ә) түрбәти гана чеврилди + Фото
Диггәт: Хәбәрдән истифадә етдикдә мәнбәјә истинад лазымдыр
