Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Фәләстин торпагларыны ишғал етмиш гондарма сионист исраил режиминдә чап олунан “Једиотһ Аһронотһ” газети, сионист режиминин әсас рәсми даирәләриндән, Ливан Һизбуллаһ Тәшкилатынын Баш Катиби Һөҹҹәтүл Ислам Сејјид Һәсән Нәсруллаһын тәһдидләрини ҹидди гәбул етмәләрини вә Сејјидин сон заманлар тутдуғу мөвгени диггәтлә изләмәләрини тәләб едиб.
“Једиотһ Аһронотһ” газетинин һәрби мәсәләләр үзрә политологу, сијонист јазар Алех Фисһман, сонист режиминин Суријаја етдији Һава Һүҹумуну кәскин тәнгид едән ҝениш бир мәгаләдә, режимин тәһлүкәсизлик кабинетинин ирәли сүрдүјү лајиһәләри гынајараг билдириб: “Исраил Әрәб өлкәләринин рәһбәрләри тәрәфиндән гәбул олунан анлашмаларын әһәмијјәтсиз олдуғуну сүбут етмәјә чалышыр. Лакин мәлумдур ки, Јахын Шәргдә Сејјид Һәсән Нәсруллаһ кими мүстәсна Рәһбәрләр мөвҹуддур. Әҝәр тәһдид едирсә, мүтләг онун сөзләринә диггәтлә гулаг асмалыјыг...”
Алех Фисһман ишғалчы исраил режимин туғҝенералы вә “Икинҹи Ливан мүһарибәсиндә (2006-ҹы ил) Нәсруллаһын етдији чыхышларынын гајдалары” адлы китабын мүәллифи “Ронин Кһоини”јә истинадла јазыр: “Нәсруллаһын сөзләринин чоху психоложи мүбаризә методу дашыса да, лакин бир чох чыхышлары әмәли характер дә дашыјыр”.
Сијонист јазар “Ронин Кһоини” даһа сонра, Сејјид Һәсән Нәсруллаһын 2006-ҹы илдә етдији бүтүн тәһдидли чыхышларынын 24 саат әрзиндә әмәли олараг һәјата кечирилдијинә дә ишарә едәрәк, атәшкәс дөврүндә исә белә тәһдидли чыхышларын тез бир заманда һәјата кечмәсинин зәрурәт јаратмадығына вә узун мүддәтдән сонра һәјата кечирилә биләҹәјини гејд едиб.
Ронин Кһоини даһа сонра: “Нәсруллаһ шәффаф данышды. О, Мүгавимәт Һәрәкатыны Ҹовалан Јүксәликлијләриндә дә һәјата кечирәҹәјинә вә бу јолда Суријалылара көмәклик едәҹәјинә сөз верди” дејәрәк билдириб: “Һизбуллаһ әлини Сурија вә Исраил сәрһәддинә гојуб. Неҹә ки, бундан өнҹә Гәззә Золағы вә Синаја гојмушду”.
Диггәт: Хәбәрдән истифадә етдикдә мәнбәјә истинад лазымдыр
