Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән 6 ил бундан габаг Мисирә гыса мүддәт әрзиндә сәфәр едән алманијалы философ Андреас Камз, Мүсәлман бир ҹаванла ашна олур. Мүсәлман ҹаванын јүксәк әхлаг вә ҝөзәл рәфтары, Алман философунун марағына сәбәб олараг онун бу әдәб-әрканына вурулараг Ислам Динин гәбул етмәк әзминә дүшүр.
Маҹәра әслиндә белә баш верир: Мисирә јени гонаг ҝәлмиш алманијалы философ, Мәсҹидләрин бириндә намаз гылан бир ҹаванын шәкилини чәкир, сонра исә Мүсәлман ҹавандан иҹазәсиз ҝөрдүјү ишә ҝөрә үзүрхаһлыг едир. Амма Мүсәлман ҹава ҝүлүмсәнәрәк, “Аллаһыма ибадәт етдијим үчүн мәмнунам” -дејә, нәҹиб бир ҹаваб верир.
Онун ады Һәсән иди, Һәсәнлә Андреасын достлуғу белә башланды... Андреас Һәсәнә дејир: “Ахы мән Мүсәлман дејиләм. Сән мәнимлә неҹә достлуг едә биләрсән?!”
Һәсән онун ҹавабында чох нәзакәтлә, “Сән Аллаһын бәндәләриндән бирисән, сәнинлә хош рәфтар етмәк мәним вәзифәиборҹумдур”- дејә билдирир...
Андреас дејир: “Вә биз дост олдуг... Ҝүнү-ҝүндән мән онун ҝөзәл әхлагына валеһ олурдум... Өз ҝөзләримлә онун инсанлара көмәк етдијини вә бу јолда һеч бир шеји әсирҝәмәдијинин шаһиди идим... Нәһајәт өз тәсмимими тутдум: “Мәндә Һәсән кими олмалыјам”.”
Достлуғумуздан артыг ики ил кечирди... Исламы даҝа да дәриндән өјрәнмәк алову вүҹудуму бүст-бүтүн аловландырырды... Һәсәнә, “Мәнә Әрәб дилини вә Гурани Кәримин охунуш гајдаларыны өјрәт” дедим. О, мәнә бу јолда да көмәклик ҝөстәрди.
Андреас дејир: “Мән Ислам Дини һаггда дәриндән тәдгигат апардыгҹа, бу динин дүнја иҹтимаијјәтинә вердији месажын јалныз “Ешг вә Муһәббәти Јајын” олдуғуну ҝөрдүм... Мәним фикримҹә бу бир динин өз ардыҹылларына верә биләҹәји ән ҝөзәл месажыдыр... Вә мән сон олараг Кәлимәји Шәһадәти (Әшһәдү әнла Илаһә илләллаһ вә әшһәду әннә Муһәммәдән рәсуләллаһ) дилимә ҝәтирәрәк, Мүсәлман олаҹағыма гәти гәрар вердим.”
Диггәт: Хәбәрдән истифадә етдикдә мәнбәјә истинад лазымдыр
