Әһли Бејт (әлејһимус сәлам) -АБНА- Хәбәр Аҝентлији- Һәр ким Имам Әлинин (әлејһи сәлам) һәрәмини аҝаһлыгла вә тәкәббүр ҝөстәрмәдән зијарәт едәрсә, Аллаһ она мин шәһидин савабыны верәр. Кечмиш вә ҝәләҹәк ҝүнаһларыны бағышлајар. (Гијамәт ҝүнү) тәһлүкәсиз шәкилдә мәһшур олар. Һесаб вермәси асан олар вә мәләкләр ону (хош сима илә) гаршылајарлар. Евинә гајыдан заман ону мүшајиәт едәрләр. Әҝәр хәстәләнәрсә, зијарәт едәрләр. Әҝәр дүнјадан ҝедәрсә, истиғфарла бир јердә гәбрә гәдәр бирликдә онунла оларлар.
Бу зијарәтин ҝәтирдији әҹрләр:
1. Һәҹҹ савабы.
Һәзрәт Пејғәмбәр (сәлләлаһу әлејһи вә алиһ) бујурур: “Һәр ким Әлини (әлејһи сәлам) шәһид олдугдан сонра зијарәт едәрсә, беһиштә дахил омаг она ваҹиб олар”. Ибни Марәд дејир: “Имам Садигдән (әлејһи сәлам) сорушдум: “Ҹәддин Әмирәл-мөминин (әлејһи сәлам) гәбрини зијарәт етмәјин савабы нәдир?” Бујурду: “Еј Марәдин оғлу! Һәр ким ҹәддими һаггыны таныјараг зијарәт едәрсә, Аллаһ һәр аддымы илә онун үчүн гәбул олмуш һәҹҹ вә үмрә савабыны јазар. Аллаһа анд олсун ки, еј Марәдин оғлу! Әмирәл Мөминин (әлејһи сәлам) зијарәтиндә габар олмуш ајаға, Аллаһ атәши дадыздырмаз. Истәр пијада олсун, истәрсә дә миникдә. Еј Марәдин оғлу! Бу һәдиси гызыл су илә јаз!””.
Башга бир һәдисдә охујуруг ки, Имам Садиг (әлејһи сәлам) бујуруб: “О кәс ки, Әмирәл-мөминини (әлејһи сәлам) пијада һалда зијарәт едәрсә, Аллаһ онун үчүн һәр аддымына һәҹҹ вә үмрә јазар. Әҝәр пијада гајыдарса, һәр аддымына ики һәҹҹ вә ики үмрә јазар”.
2. Ҝүнаһы арадан апарар.
Имам Әлини (әлејһи сәлам) зијарәт едәнләрин ҝүнаһлары бағышланар вә мәһв олар. Пејғәмбәримиз (сәлләлаһу әлејһи вә алиһ) Һәсән ибни Әлијә (әлејһи сәлам) бујурур: “Һәр ким мәни вә ја атаны зијарәт едәрсә, мәним үзәримдә Аллаһын һаггы олар ки, ону Гијамәт ҝүнү зијарәт едәм. Ҝүнаһлардан пак едәм”.
Әһмәд ибни Муһәммәд ибни Әби Нәср Имам Рзадан (әлејһи сәлам) нәгл едир ки, бујуруб: “Еј Әби Нәсрин оғлу! Һарада олурсан-ол, Гәдир-Хум ҝүнүндә Әмирәл-мөминин (әлејһи сәлам) јанында һазыр ол. Һәгигәтән Аллаһ һәр бир мөмин киши вә гадынын 60 иллик ҝүнаһыны бағышлајар вә ҹәһәннәм атәшиндән Рамазан ајында вә Гәдр ҝеҹәләриндә, Фитр ҝеҹәсиндә азад етдикләринин ики бәрабәрини азад едәр. О ҝүнү ариф (Әһли-бејт (әлејһи сәлам) давамчысы олан) гардашына бир дирһәм (инфаг етмәк) мин дирһәмә бәрабәрдир. Она ҝөрә бу ҝүнү һәр мөмин киши вә гадыны севиндир”.
3. Һаҹәтләри јеринә јетәр.
Һәр ким Имам Әлини (әлејһи сәлам) зијарәт едәрсә, һаҹәти јеринә јетәр. Имам Садиг (әлејһи сәлам) Сәфвана бујурур: “Еј Сәфван! Бу зијарәти давамлы ет. Бу дуаны оху. Һәр икисини (Имам Әлини (әлејһи сәлам) вә Имам Һүсејни (әлејһи сәлам)) зијарәт ет. Мән һәр икисини бу кејфијјәтдә зијарәт едән һәр кәсә Аллаһ јанында заминәм. Узагдан вә ја јахындан зијарәти гәбул олар. Һаҹәти һәр нә гәдәр чох оларса јеринә јетәр. Аллаһ онун ҹавабыны верәр”.
4. Мүхтәлиф саваблара чатар.
Имам Садиг (әлејһи сәлам) Куфәјә тәрәф һәрәкәт едән заман бујурур: “Бу, мәним ҹәддим Әмирәл-мөминин (әлејһи сәлам) гәбридир”. Ашағы дүшдү, гүсл алды, палтарыны дәјишди. Сәфвана деди: “Мән нә едирәмсә, сән дә ону ет. Ондан сонра Нәҹәф тәпәсинә тәрәф јолланды вә бујурду: “Аддымларыны гыса ет, чијнини ашағы сал. Һәгигәтән, атдығын һәр аддыма ҝөрә сәнин үчүн мин һәсәнә јазылыр. Јүз мин ҝүнаһын мәһв олур. Дәрәҹән јүз мин дәфә јухары галхыр. Јүз мин һаҹәтин јеринә јетир. Бүтүн сиддигләрин вә шәһидләрин савабы сәнә јазылыр”.
О заман ки, Һәзрәт (әлејһи сәлам) дајаныр, Имам Әлинин (әлејһи сәлам) гәбринин башында ики рүкәт намаз гылыр. Бујурур: “О кәс ки, Имам Әлини (әлејһи сәлам) бу зијарәтнамә илә зијарәт едәрсә, бу намазы гыларса, әһлинә тәрәф гајыдарса, ҝүнаһлары бағышланмыш олар. Сәјләри гәбул олар. Ону зијарәт едән бүтүн мәләкләрин савабы она јазылар. Һәр ҝеҹә 70 (мәләк) гәбиләси ону зијарәт едәр”. Сорушдум: “Гәбилә нә гәдәрдир?” Бујурду: “Јүз мин””.
Беләликлә дејә биләрик ки, һәлә ки, сағыг вә нәфәс алырыг, Имамы (әлејһи сәлам) зијарәт едәк вә зијарәтин әҹриндән бәһрәләнәк.
Диггәт: Хәбәрдән истифадә етдикдә мәнбәјә истинад лазымдыр
