Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Русија Прокурорлуғу Краснојар әјаләтинин Тибб Университетиндә һиҹаблы тәләбәнин тәһсилдән кәнарлашдырылмасыны арашдырдыгдан сонра гәбул етдији гәрары ачыглајыб: “Университетләрдә һиҹаб гадағасынын тәтбиг едилмәси тәләбәләрин тәһсил һүгугларына зиддир”.
Тибб Университетинин рәһбәрлији Прокурорлуғун етиразындан сонра тәләбәнин Һиҹаб гадағасына ҝөрә тәһсилдән кәнарлашдырылмасы барәдә гәрары ләғв едиб. Бундан башга университет дахили интизам гајдасыны да дәјишмәли олуб. Прокурорлуғун гәрарына ҝөрә, университетдә тәтбиг едилән интизам гајдасы тәләбәләрин тәһсил һүгугларына зидд олуб.
Хатырладаг ки, март ајында Краснојар Дөвләт Тибб Университети 3 курс тәләбәси олан Ајҝул Хидербекованы һиҹаблы олдуғуна ҝөрә дәрсә бурахмајыб. Университет рәһбәрлији ону университетин дахили интизам гајдасыны позмагда иттиһам едиб. Бундан сонра Ајҝул Дағыстан Тибб Академијасына көчүрүлүб, лакин, буна бахмајараг ханым Прокурорлуға шикајәт әризәси илә мүраҹиәт едиб.
Диггәт: Хәбәрдән истифадә етдикдә мәнбәјә истинад лазымдыр
