Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Ханым Фатимәји Зәһранын (сәламуллаһи әлејһа) шәһадәт ҝүнләри мүнасибәти илә, Тәглид Мәрҹәләриндән олан, Ајәтуллаһ Сејјид Муһәммәд Садиг Руһани ҹәнабларынын Офиси, “Зәһранын (с) Фәзиләт вә Мүсибәтләри” адлы китабын Андроид нүсхәсин чыхардыб.
Дүнјанын үч дири дилләринә, Әрәб, Фарс вә Инҝилис дилләринә тәрҹүмә олунан китаб, Ајәтуллаһ Сејјид Муһәммәд Садиг Руһани ҹәнабларынын Ханым Фатимәнин (сәламуллаһи әлејһа) барәсиндә сорушулан суаллара верилән ҹаваблар әсасында јазылыб.
Китаб ики фәслдән ибарәтдир. Биринҹи фәсли, "لولاک لما خلقت الافلاک" (Аллаһ ҹәллә ҹәлалуһ бујурур: Әҝәр сән (Фатимә сәламуллаһи әлејһа) олмасајдын Аләми јаратмаздым) һәдисинин тәфсири һаггында вә һәзрәти Зәһранын (сәламуллаһи әлејһа) Пејғәмбәр (сәлләлаһу әлејһи вә алиһ) тәрәфиндән “Умми Әбиһа” (Атасынын анасы) ады илә адландырылмасынын сәбәби, Ханымдан шифа истәмәјин ҹаиз олмасы, Ханыма истиғасә етмәјин (көмәклик истәмәјин), Ханымын Елми мәгамы, Ханымын Китабы (Мүсһәфи Фатимә) һаггында, Гәдр ҝеҹәси илә Ханым Зәһра (сәламуллаһи әлејһа) арасында нә кими әлагәнин олмасы, Ханымын Исмәт Мәгамыны инкар едән шәхсин һөкмү вә. с. кими олунан суаллара ҹаваблардан ибарәтдир.
Китабын икинҹи фәсли исә, Ханым Зәһраја (сәламуллаһи әлејһа) олунан ишҝәнҹәләр, Фәдәк Һадисәси, Әмирәл Мөминин, Әлинин (әлејһи сәлам) хилафәт дөвранында Фәдәк, һәзрәти Әлинин сүкут етмәсинин сәбәби, Ханымын мүбарәк габырғаларынын дүшмән тәрәфиндән сындырылмасыны инкар едән шәхсин һөкмү, Сәлим ибни Гејсин јаздығы китаб, Ханымын мәзлумлуғуну, мүсибәтләрини инкар едән шәхсин һөкмү вә. с. олунан суаллара верилән ҹаваблардан ибарәтдир.
Диггәт: Хәбәрдән истифадә етдикдә мәнбәјә истинад лазымдыр
