Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Апрелин 3-дә Азәрбајҹан Ислам Партијасы идарә һејәтинин үзвләри Елчин Манафов вә Ингилаб Әһәдли ҝүндәликдә нәзәрдә тутулмуш нөвбәти тәдбири һәјата кечирмәк мәгсәдилә Ағстафа рајонунда сәфәрдә олмушлар.
Бурада Исламчылар, Гурумун Гәрб бөлҝәси үзрә Координасија Шурасынын сәдри Һаҹы Елхан Мусајевин тәшкилатчылығы илә АИП-ин Ағстафа рајон комитә сәдринин вә фәалларынын иштиракыјлә топланты кечирилмишдир. Ҝөрүш иштиракчылары АИП-ин өлкәмиздә бу илин октјабр ајында кечириләҹәк президент сечкиләриндә фәал иштиракы барәдә гурумун бу ҝүнләрдә гәбул етдији гәрар барәдә мәлуматландырылмышлар. Партија јеткилиләринин ҝениш мәзмунлу чыхышларында комитә сәдринин вә партијанын һәр бир үзвүнүн үзәринә дүшән вәзифәләрә ајдынлыг ҝәтирилмишдир.
Онлар ҝөрүш иштиракчыларынын чохсајлы суалларыны ҹавабландырмыш вә партијанын президент сечкләри илә бағлы фәалијјәт програмынын, һәмчинин гурумун сечки платформасынын јахын ҝүнләрдә онларын нәзәрләринә чатдыраҹагларыны билдирмиш, ондан өнҹә исә бу истигамәтдә тәклифләрин һазырланыб мәркәзи гәрарҝаһа тәгдим олунмасыны тапшырмышлар.
Диггәт: Хәбәрдән истифадә етдикдә мәнбәјә истинад лазымдыр
