Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Ислам Партијасынын сәдрәвәзи (АИП) Һаҹы Елчин Манафов исламынсеси.аз порталына ексклүзив мүсаһибәсиндә партијанын президент сечкиләриндә иштиракы, диҝәр сијаси партија вә бирликләрлә фәалијјәт координасијасы мәсәләләрини шәрһ едиб.
- АИП-ин президент сечкиләриндә һансы шәкилдә иштиракы конкретләшибми?
АИП сечки поатформасыны һәлә елан етмәјиб, амма президент сечкиләринә һазырлыг старты верилиб. Бу ҝүнләрдә АИП-дә кечирилән конфрансда бөлҝәләрдәки әлагәләндириҹиләр дә иштирак едиб. Бөлҝәләрдәки шөбәләримизә президент сечки кампанијсы илә бағлы һазырлыг ҝөрүлмәси һагда тапшырыг верилиб.
Әввәлҹәдән елан етмишдик ки, сечкиләрә гатылмағымыз 3 шәкилдә мүмкүндүр: сечкиләрин бојкот едилмәси, АИП-ин өз намизәдинин ирәли сүрүләрәк дәстәкләнмәси вә башга бир намизәдә сәс верилмәси. Артыг сечкиләрин бојкотундан имтина едиб јердә галан 2 варианты мүзакирә едирик.
Өз намизәдимизлә чыхыш етмәјә гүдрәтимиз дә вар, башга бир намизәди дәстәкләмәјә дә. Башлыҹа мәгсәдимиз сечкиләрдә кифајәт гәдәр ҝүҹә малик олаг вә тәсиримизи ҝөстәрә биләк.
«Әхлаглы сечки вә әдаләтли һакимијјәт уғрунда Ислами һәрәкат» шүары илә сечкиләрә гатылырыг. Амма бу һеч дә ҹәмијјәтин диҝәр тәбәгәләринин һәрәката гошулмасыны мәһдудлашдырмыр. Бу шүары гәбул едән һәр кәси сыраларымыза гәбул етмәјә һазырыг.
Сијаси партијаларын чоху һәлә өз намизәдләрини ирәли сүрмәдији кими, АИП дә һәлә өз намизәди олуб-олмајаҹағыны ҝизли сахлајыр. Бизим үчүн мүһүм мәсәлә сечкиләрдә фәал иштирак етмәкдир.
-АИП-ин сечкиләрә гатылмасы партија фәалларына гаршы тәзјигләри артыра биләрми?
- Сечкиләрдә иштирак бизим вәтәндаш һүгугумуздур вә буна ҝөрә бизә гаршы тәзјигләр олаҹағына инанмырыг. Һүгугумуздан истифадә үчүн бизи гынамаг вә тәзјиг ҝөстәрмәк мүмкүн дејил. Биз өз әгидәмизә ујғун һәрәкәт едирик.
Бизим фикримиз ҹиддидир, сечкиләрә тәсир етмәк нијјәти илә ҝедирик. Нәјин баһсына олурса олсун, буна наил олаҹағыг. Азәрбајҹан халгынын вә дөвләтчилијинин талеји һәлл олунур. Һакимијјәтә кимин ҝәләҹәјиндән асылы олмајараг, халгына вә дөвләтимизә хидмәт едәҹәк шәхс олмалыдыр. Бунда бизим ролумуз шәксиздир.
Диггәт: Хәбәрдән истифадә етдикдә мәнбәјә истинад лазымдыр
