Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Республикасынын Теһрандакы сәфири Ҹаваншир Ахундов мартын 31-дә Иран Хариҹи Ишләр Назирлијинә чағырылыб.
Азәрбајҹан сәфирини гәбул едән назир мүавини Аббас Әрагчи ики ҝүн әввәл Бакыда “Ҝүнеј Азәрбајҹан” мөвзусунда кечирилән топлантыја етираз билдириб вә сәфирә јазылы етираз нотасы тәгдим едиб.
Азәрбајҹан һөкумәтини белә бир топлантынын кечирилмәсинин гаршысыны алмамагда гынајан Аббас Әрагчи дејиб ки, бу кими тәһрикчи һәрәкәтләр ики өлкәнин инкишафда олан мүнасибәтләринә хәләл ҝәтирә биләр. Аббас Әрагчи белә топлантыларын јалныз сионистләрин мәнафејинә гуллуг етдијини вурғулајыб.
Ҹаваншир Ахундов Иран Ислам Республикасынын етираз нотасыны Азәрбајҹан һөкумәтинә чатдыраҹағыны билдириб.
Гејд едәк ки, Мартын 30-да “Ҝүнеј Азәрбајҹан Милли Азадлыг Ҹәбһәси” адлы гондарма сионист тәшкилатынын тәшәббүсү илә Бакыда, “Парк Инн” отелиндә “Чағдаш Ҝүнеј Азәрбајҹанын сабаһы” мөвзусунда анти-Ислам конфранс кечирилиб.
Диггәт: Хәбәрдән истифадә етдикдә мәнбәјә истинад лазымдыр
