Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән “Амнестј Интернатионал” тәшкилаты Суријадакы өлүм һаллары илә бағлы һесабат јајымлајыб.
Һесабатда гејд олунур ки, суријалы үсјанчылар әсир ҝөтүрдүкләри һөкумәт әсҝәрләринә, ҹасуслугда шүбһәләндикләри шәхсләрә, һөкумәтә садиг шәхсләрә, вә оғурладыглары шәхсләрә гаршы мүхтәлиф нөв зоракылыглар вә ишҝәнҹәләр тәтбиг едибләр.
Ики мүхтәлиф һесабатда һөкумәт гүввәләри вә үсјанчылар барәсиндә мәлуматлар јер алыб.
Һесабатда гејд олунур ки, үсјанчылар јени мәнтәгәләри әлә кечирдикҹә инсанлара гаршы төрәтдикләри шиддәтләрин сајы да артыб: “Там ҹәзасызлыг шәраитинин һөкм сүрдүјү бир вәзијјәтдә силаһлы үсјанчылар чәкинмәдән инсанлары өлдүрүрләр, јени-јени кәндләр, шәһәрләр онларын нәзарәтинә кечдикҹә төрәтдикләри гырғынларын сајы да артыр.”
Диггәт: Хәбәрдән истифадә етдикдә мәнбәјә истинад лазымдыр
