Әһли Бејт (әлејһимус сәлам) -АБНА- Хәбәр Аҝентлији- Билирик ки, Ислам дини сонунҹу диндир, Исламын әһкамы вә ганунлары пәрвәрдиҝарын мүгәддәс заты тәрәфиндән гојулмуш сон ганунлардыр, хатәмул-әнбијадан (саллаһу әләһји вә алиһи вә сәлләм) сонра пејғәмбәр ҝәлмәјәҹәк вә бу китаб гијамәт ҝүнүнәдәк ганунлар китабы, пејғәмбәрин Әһли-бејти (әләјһиссалам) исә ону ајдынлашдыран олмалыдыр.
Һәмчинин мәлумдур ки, Муһәмммәд (саллаһу әләјһи вә алиһи вә сәлләм) уммәти Һәзрәт Һөҹҹәт вә Һагг Мәсумун дөврүндә һәтта онларын зинданда ја сүрҝүндә олмаларына бахмајараг, өз вәзифәләрини чох чәтинликләрә синә ҝәрмәклә дә олса әлә ҝәтирирди. Анҹаг сөһбәт Һәзрәт Һөҹҹәтин гејбәте –кубра (бөјүк гејбәт) вахтындан ҝедир ки, бу заман үчүн үч һалдан артыг һал тәсәввүр етмәк мүмкүн дејил.
1-Аллаһын китабыны вә дини ганунлары бошлајаг.
2- (Дин) өзбашына галсын, јәни өзү өзүнү ифа етмәк вәзифәсини иҹра етсин.
3-Јахуд, һимајәчијә вә ајдынлашдыран бир һакимә еһтијаҹ вар ки, бу да һәмин вәлијји әмр, ја да һәр шәраити өзүндә ҹәм едән мүҹтәһиддир.
Биринҹи тәсәввүр әгли вә нәгли ҹәһәтдән батилдир. Чүнки Ислам дини сонунҹу ајинләр мәҹмусудур вә бәшәр нәслинин сонуна кими һидајәтчи вә үммәтин ајини олараг галмалыдыр.
Икинҹи тәсәввүр дә батилдир. Чүнки ганун өз-өзүнә иҹра олуна билмәз. Шәхсә, јахуд шәхсләрә еһтијаҹлыдыр ки, ону һифз вә иҹра етсинләр.
Чарәмиз јохдур ки, үчүнҹү фәрзи гәбул едәк вә дејәк ки, мүсәлман ҹәмијјәтини ҝәрәк вәлијји-әмр һәртәрәфли олараг идарә етсин.
Диҝәр тәрәфдән мәлумдур ки, ҹәмијјәт мүхтәлиф гурумлара, о ҹүмләдән орду, тәһсил, һүгуги вә с. еһтијаҹы вар. Она ҝөрә вәлијји фәгиһ бүтүн мадди вә мәнәви ишләрдә ајдынлашдыран, шәрһ верән, јолҝөстәрән вә чәтинликләри һәлл едән олмалыдыр.
Нәтиҹәдә, вәлијји-фәгиһ ҝәрәк бүтүн ишләрдә Мәсум Имамын (әлејһиссалам), имамәт вә анҹаг мәсум Имама мәхсус олан мәгамларыны чыхмаг шәрти илә, вәзифәләрини иҹра етмәлидир. Бунунла да, Ислам ганунларыны ҹәмијјәтдә иҹра едә билсин, әкс һалда бу системләр гурулмаса дүшмәнләр Исламын вә ислами һөкумәтин ајаг үстә дурмасына имкан вермәзләр. Диҝәр дәлил исә будур ки, һеч бир өлкә вә ҹәмијјәтин өмрү һәрҹ-мәрҹликлә узун сүрә билмәз. Буна ҝөрә дә ҝәрәк ганун, һаким вә һөкумәт орда идарәчилик етсин. Әҝәр тағут (динсиз, залым) һаким олса мүгәддәс Ислам дини арадан ҝедәр вә бу, фәрз етдикләримизин әксинәдир, чүнки әгл вә нәглә әсасән дедик ки, Ислам дини гијамәт ҝүнүнә кими галмалыдыр.
"вә мән јәбтәғи ғәјрәл-ислами динән фәлән југбәлә минһу" –јәни, Исламдан башга өзүнә дин истәјәндән һеч вахт гәбул олмаз.
Орхан Мәммәдов
Мәнбә: Сиздән суаллар, Ајәтуллаһ Беһҹәтдән ҹаваблар
Диггәт: Хәбәрдән истифадә етдикдә мәнбәјә истинад лазымдыр
