Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹанын Мүбариз Руһаниси, Ислам Ојанышы Һәракатынын Јорулмаз Өндәрләриндән бири, Гарабағ Шәһидинин гардашы, Һаҹы Абҝүл Сүлејмановун башда мөһтәрәм Руһаниләр олмагла, хариҹдә вә дахилдә олан мөмин-мөминәләрә зиндандан мәктуб јазыб.
Мүбариз Гардашымызын дәјәрли мәктубуну зијарәтчиләримизә чатдырырыг.
Бисмиллаһир Рәһманир Рәһим
Әввәла бүтүн Азәрбајҹан халгыны, башда мөмин-мөминәләр вә һиҹаб мәһбуслары олмагла саламлајыр вә бир нечә ҝүн әввәл гејд едилән Хоҹалы фаҹисәси илә бағлы һамыја баш сағлығы верирәм.
Аллаһдан һамымыза өз вәзифәмизә әмәл етмәји нәсиб етмәсини истәјирәм. Бизләр өз истәјимизи дејил, Аллаһын истәјинә ујғун аддым атмалыјыг. Буну билин ки, бизим үчүн һарда јашадығымыз мүһүм дејил, неҹә јашадығымыз мүһүмдүр. Суда ја гуруда, азадлыгда вә ја зинданда олмағымызын һеч бир фәрги јохдур. Әсас Аллаһ истәјән кими, јәни Әһли-Бејт (әлејһимус сәлам) кими јашамағымыз өнәмлидир. Биздән Гијамәт ҝүнү неҹә јашадығымыз сорушулаҹаг, һарда јашадығымыз чохда өнәм верилмәјәҹәк.
Мән фүрсәтдән истифадә едиб азадлыгда олан Руһаниләрә сәсләнирәм. Еј Руһаниләр! Сизи анд верирәм Аллаһа вәһдәтдә олун вә бирлик ҝөстәрин. Аллаһа анд олсун әҝәр сиз бирликдә “Һиҹаба азадлыг” десәјдиниз Һиҹаб гадағасы ләғв оларды. Имамы Мәһдинин (әҹҹәләллаһу фәрәҹәһуш шәриф) сәһабәси олмаг истәјәнләр ҝәрәк вәһдәтдә олсун вә ондан да даһа өнәмли олан динин мүдафиәсини унутмасынлар.
Ҝөрдүнүз ки, һиҹаб гадағасы Азәрбајҹан тарихиндә јени бир сәһифә ачды. Өз әмәлләринизлә адынызы бу тарихә гејд един. Әлбәттә ки, әмәлләрлә адыныз тарихә дүшәҹәк. Бу тарихин сәһифәләриндә сахтакарлыг олмајаҹаг, неҹә олмушугса о ҹүр да адымыз һәкк едиләҹәк. Һеч нә бизим Дини вәзифәмизә әмәл етмәјимизә сәдд олмамалыдыр. Һәтта зиндан белә. Имам Мусеји Казими (ә) унутмајын. Мәҝәр Имам Казымын атифәси вә бу дујғулары јох иди? Мәҝәр о аиләсини вә 36 өвладыны севмирди? Нијә ондан өрнәк алмаг белә чәтин ҝөрүнүр?
Әҝәр Имамлардан өрнәк алмаг чәтиндирсә, Мөвсүм Сәмәдовдан өрнәк алмағынызы сизә мәсләһәт ҝөрүрәм.
Мән онун кими гардашла фәхр едирәм.
Мәним мәнәви саламымы дин гардашым вә мәнәви устадым олан Һаҹы Мөвсүмә чатдырын. О өз вәзифәсинә лајигинҹә әмәл етди. Мәним онун мүбарәк әлләриндән өпдүјүмү она чатдырын. Еј хариҹдә вә дахилдә олан мөмин-мөминәләр! Сөзләрим сизәдир: Һиҹаб мәһбусларыны унутмајын вә онлардан мадди вә мәнәви дәстәкләринизи әсирҝәмәјин. Чүнкү онлар сиз вә һиҹабынызын азадлығы уғрунда һәбс олунублар. Онлары дуаларынызда унутмајын. Мәбада инсалардан вә ҹинләрдән олан шејтанлар сизи бу ишдән гәфләтдә гојсун.
Мәбадә Аллаһдан гәфләтдә оласныз.
Һамымызын Онун һүзуруна ҝедәҹәјимиз ҝүнү унутмајын!
Вәссаламу Алејкум вә Рәһмәтуллаһи вә Бәрәкәтуһ".
Диггәт: Хәбәрдән истифадә етдикдә мәнбәјә истинад лазымдыр
