Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән АБШ хариҹи ишләр назири Ҹон Кери бу ҝүн илк рәсми ҝөрүш үчүн Италијаја “ишҝүзар сәфәрә” ҝедәрәк, пајтахт Ромада, “Бејнәлхалг Италија Конфрансы”нда иштирак етмиш вә Сурија мүхалифләри илә ҝөрүш кечирдиб.
Ҝөрүшдән сонра, Ҹон Кери вә Сурија мүхалифәтинин лидерләриндән бири сајылан Мәаз Хәтиб, мәтбуат конфрансы кечирдәрәк рәсми мөвгеләрин ачыгламышлар.
Америка БИрләшмиш Штадларынын јени хариҹи ишләр назири, рәсмән мәтбуат конфрансында Сурија мүхалифәтини Американын муздуру олдуғуна ишарә едәрәк билдириб: “АБШ суријалы гачгынлара етдији көмәкдән әлавә, Суријанын Гануни Дөвләти әлејһинә мүбаризә апаран мүхалифәтә дә билаваситә 60 милјонлуг көмәк едәҹәк. ”
Хәтиб исә чыхышында Сурија мүхалифәти арасында һәр һансы бир тәкфирчиләрин (сәләфиләрин) олмамасына гәтијјәтлә јох дејә билмәдијини дилинә ҝәтирәрәк билдириб ки, “лакин биз һәр һансы бир “тәкфирчи” мәфкүрәнин, вә өз шәхси ҝөрнүшләрин зорла халга јеритмәк истәјәнләрин тамамилә әлејһинәјик.”
Гејд едәк ки, “Бејнәлхалг Италија Конфрансы” буи ҝүн, Ҹүмә Ахшамы, саат 13:10 дәгигәдә сона јетиб. Конфрансда Сурија Дөвләтинин тәрәфдарларындан бири, әлинә сары рәнҝли плакарты тутараг, иҹлас иштиракчыларына нүмајиш етдириб. Плакартда исә бу шүар јазылыбмыш: “АБШ, Италија, Гәтәр, Сәуди Әрәбистан вә Түркијә террорчулары дәстәкләјир.”
Диггәт: Хәбәрдән истифадә етдикдә мәнбәјә истинад лазымдыр
