Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасы Гурулушунун Мәсләһәти Шурасынын катиби дејиб: Иран Иран Ислам Республикасы Гарабағ мүһарибәси заманы Азәрбајҹан Республикасы ордусуну тәҹһиз етмәклә јанашы, Азәрбајҹанын партизан гүввәләринә дә һәрби тәлимләр кечиб.
Ермәнистан-Азәрбајҹан мүһарибәси дөнәминдә Сепаһ-ын команданы олан Мөһсүн Рзаји Бејнәлхалг Сәһәр Каналы илә ексклүзив мүсаһибәдә шок мәлуматлар ачыглајыб вә дејиб: Шәхсән ҝөстәриш вермишдим ки, Гарабағ дидәрҝинләринин вәзијјәти дәрһал арашдырылсын вә Азәрбајҹан Республикасы ордусунун ихтијарына һәрби тәҹһизатлар вә һәрби сурсат верилсин. Һәтта, Азәрбајҹан силаһлы гүввәләринә һәрби тәлимләрин кечирилмәси һагда да ҝөстәриш вермишдим.
Сепаһ-ын кечмиш команданы Гарабағ мүһарибәсиндә чохлу сајда иранлынын да шәһид вә онларын мәзарларынын Бакыда олдуғуну да билдириб.
Иран Ислам Республикасы Гурулушунун Мәсләһәти Шурасынын катиби иранлылар вә азәрбајҹанлылар арасындакы ортаглыглара ишарә едәрәк, дејиб: Биз һәмиш чәтин ҝүнләриндә азәрбајҹанлыларын кәнарында олмушуг вә бу ҝүн дә онларын јанындајыг. Биз Гарабағын Азәрбајҹана гајтарылмасында да онлара көмәк етмәјә һазырыг.
Мөһсүн Рзаји сонда дејиб: Гарабағ Ислам торпағыдыр вә сүлһсевәр јолларла Азәрбајҹан Республикасынын әрази бүтөвлүјү тәмин едилмәлидир.
Диггәт: Хәбәрдән истифадә етдикдә мәнбәјә истинад лазымдыр
