Әһли Бејт -АБНА- хәбәр аҝентлијинин вердији хәбәрә әсасән бу ҝүн ҝүнорта саатларында Хәтаи рајону, Хәгани Рүстәмов-1210 үнванында јашајан мәҹбури көчкүнләрин евләринин сөкүнтүсүнә башланылыб. Бу сәбәбдән дә Фүзули вә Ағдам рајонундан олан вә орада мәскунлашан мәҹбури көчкүнләрлә гаршыдурма јараныб.
Сакинләр онлара сөкүнтү илә бағлы һеч бир сәнәдин тәгдим едилмәдијини, һеч бир мәһкәмә гәрарынын олмадығыны вә әввәлҹәдән һәр һансы хәбәрдарлыг едилмәдијини билдирирләр.
Гејд едәк ки, сакинләрә һара көчүрүләҹәкләри һаггында һеч бир мәлумат да верилмәјиб. Халг ТВ әмәкдашларыныны апардығы чәкилиш заманы һадисә јеринә ҝәлән шәхсләр исә өзләрини тәгдим етмәкдән јајынараг әразини тәрк едибләр.
Сакинләрин иддиаларына ҝөрә, јашадыглары әразини һансыса бир иш адамы алыб, бир ил әввәл тикинти ишләринә башламаг истәсә дә, газылан әразидә бир ушағын боғулмасы илә нәтиҹәләнән һадисәдән сонра ишләр дајандырылыб. Инди исә јенидән тикинти апармаг истәјән шәхс ҝөрүнүр сакинләрә мәхсус ҝеҹәгондуларын әразисини дә өзәлләшдирәрәк евләри көчүрмәјә чалышыр.
Һадисә јеринә ҝәлән Хәтаи рајону иҹра һакиминин мүавини ачыглама вермәкдән имтина едиб.
Һазырда инсидент давам едир, вәтәндашлар көчмәкдән гәти шәкилдә имтина едир, көчүрмәнин гануни јолла апарылмасыны тәләб едирләр.
Диггәт: Хәбәрдән истифадә етдикдә мәнбәјә истинад лазымдыр
