Әһли Бејт -АБНА- хәбәр аҝентлијинин вердији хәбәрә әсасән БМТ, Фәләстинә мүшаһидәчи гисминдә дөвләт статусу вердикдән сонра Инсан Һаглары Шурасынын һазырладығы һесабатда, Гәрби Шәријә вә Шәрги Гүдсдә тикинтиләри давам етдирән ишғалчы исраил режиминә гаршы глобал бојкот чағырышы едиб. Һесабатда “Тел-Әвив”ин инсан һагларыны поздуғуна вә динҹ инсанларын гәтлә јетирилмәси илә нәтиҹәләнән ҹинајәтләринә ҝөрә мүһакимә олунмасы тәләб едилир.
Бејнәлхалг тәзјиг вә гынаглара бахмајараг, исраил сионист режими ишғал алтында сахладығы Фәләстин торпагларында јәһуди мәскунлашмаларынын иншасыны давам етдирир.
БМТ тәрәфиндән һазырланан сон һесабат исә, “Тел-Әвив”ин ганунсуз јәһуди гәсәбәләринин иншасы үзрә сијасәти инсан һагларынын позулмасы кими гејд едилиб вә ишғал алтындакы торпагларда давам етдирилән бүтүн тикинти ишләринин дајандырылмасы вә бүтүн јәһуди көчкүнләрин ҝери чәкилмәси тәләб едилиб.
БМТ тәрәфиндән даһа әввәлләр дә буна бәнзәр һазырланан һесабатлардан фәргли олараг сонунҹу һесабатда хүсуси бир гејд дә вар. Белә ки, сәнәддә ишғалчы исраил тәрәфи бу сијасәти давам етдирәҹәји тәгдирдә, бүтүн дүнја дөвләтләринә сионист режими илә бағлы мүнасибәтләри јенидән нәзәрдән кечирмәк вә бејнәлхалг ширкәтләрдән исраил режими илә гурулан бүтүн тиҹарәт әлагәләрини дајандырмаг тәләб едилиб.
Ҝеносид исраил режими илә бағлы һазырланан бу һесабатда гејд едилән санксија бир вахт Ҹәнуби Африка режиминә гаршы һәјата кечирилмишдир. Март ајында Бирләшмиш Милләтләр Тәшкилатынын Инсан Һаглары Шурасы тәрәфиндән гәбул едиләҹәји ҝөзләнилән һесабат даһа сонра БМТ-нин Баш Ассамблејасы вәТәһлүкәсизлик Шурасынын ҝүндәминә ҝәтирилмәси нәзәрдә тутулур.
Диггәт: Хәбәрдән истифадә етдикдә мәнбәјә истинад лазымдыр
