Әһли Бејт -АБНА- хәбәр аҝентлијинин вердији хәбәрә әсасән Мүсаһибимиз Азәрбајҹан Ислам Партијасынын Сумгајыт Рајон Комитәсинин сәдри Вүгар Ибајев исламинсеси.аз сајтына мүсаһибә вериб.
Мүсаһибәни сајтымызын зијарәтчиләринә тәгдим едирик:
- Јерли тәшкилат нә вахт тәсис олунуб вә јерли тәшкилатынүмуми вәзијјәтиһагда мәлумат верә биләрсинизми?
- Азәрбајҹан Ислам Партијасы јарандығы ҝүндән рајон вә шәһәрләрдә өз комитәләрини бәрпа едиб. Илк јаранан комитәләрдән бири дә, Сумгајыт шәһәр комитәсидир. Сумгајыт комитәси 1993-ҹү илдән фәалијјәт ҝөстәрир. Мәндән габаг бир чох комитә сәдрләри олуб. Мән исә 2011-ҹи илдән комитәјә сәдирлик едирәм.
Сај үзвләримизә галанда, бизим үзвләримиз јүзләрләдир. Үзвләримизлә бирҝә чохлу сајда тәәссүбкешләримиз дә вар. Биз бунунла һәм фәхр едирик,һәм дә бу онун ҝостәриҹисидир ки, халг АИП-ә инанараг етибар вә етимад едир.
- Иҹра һакимијјәти вә диҝәр дөвләт структурлары тәрәфиндән сизә тәзјиг олунурму?
Һаҹы Мөһсүм Сәмәдовун сон чыхышындан сонра нәинки бизә, үмумиликдә бүтүн исламчылара тәзјигләр олду. Буна бариз нүмунә бизим Сумгајыт комитәсинин әввәлки сәдри Ариф Гәнијеви ҝөстәрмәк олар. Ону һагсыз јерә тутараг шәрләдиләр. Мән дә өз нөвбәмдә чохлу сајда тәзјигләрлә үзләшмишәм. Мәни Милли Тәһлүкәсизлик Идарәсинә вә Дахили Ишләр Назирлијинә чағырыб сорғу-суал едирдиләр. Сонрадан бизим әгидәмизлә таныш олдугдан сонра сәрбәст бурахырдылар. Һал-һазырда шүкүрләр олсун ки, еләдә тәзјигләр јохдур.
- Ислам Партијасы бу ил кечириләҹәк президент сечкиләриндә фәаллыг ҝөстәрәҹәјини бәјан етмишдир. Бунун перспективлијини нәдә ҝөрүрсүнүз?
- Ачығы бу ҹүр фәаллыг ҝөстәрмәк бизим һәм вәтәндаш борҹумуздур, һәм дә конститусион вәзифәмиздир. Галды ки, перспективлик мәсәләсинә, сон заманлар партијанын ҝөрдүјү ишләр вә бөлҝәләрдә кифајәт гәдәр нүфузунун олмасы бир партија кими АИП-ин бу сечкиләрә гошулмасыны лабүд едир. Рәһбәрлик кими дәстәкләсә, бизләр дә о шәхси дәстәкләјәҹәјик. Мән буну бир Рајон Комитә рәһбәри кими алгышлајырам.
Бөлҝәләрдә сечки сахтакарлығы узун илләр әнәнәви һал алыб. Буна гаршы һәр һансы тактика тәдбир ҝөрмәк олармы?
Ҝәлин етираф едәк ки, сахтакарлыг Азәрбајҹанда демәк олар ки, бүтүн саһәләрдә вар. Ону дејим ки, халг фәал олса, сахтакарлыға да јол верилмәз. Биз дә өз нөвбәмиздә һәм комитә үзвләримизлә, һәм дә бизи дәстәкләјән һәр бир кәслә мүзакирәләр апараҹаағыг ки, сахтакарлығын гаршысыны алаг.
- АИП рајон комитәси олараг һакимијјәтлә бағлы марағынызда ән чох һансы әламәт вә кејфијјәтләр приоритет сајылыр. Вә ја белә дејәк, Азәрбајҹан халгынын, 97-фаизи мүсәлман олан бир мәмләкәтин президентини рәһбәр кими неҹә ҝөрмәк истәрдиниз?
- Һал-һазыркы һакимијјәт өзүнү кифајәт гәдәр таныдыб. Бахын, һәр заман инанҹлылар һакимијјәтә сәсләнәрәк бирликдә халг, вәтән вә ҹәмијјәт үчүн чалышмағы тәклиф едибләр. Анҹаг бу тәклифә нә президент нә дә ки, онун тәмсил етдији Јени Азәрбајҹан Партијасындан (ЈАП) бир мүсбәт хәбәр ҝәлмәјиб. Артыг нечә илләрдир ки, “Гарабағ азад олунаҹаг!” кими вәдләр верилир. Анҹаг һаны Гарабағ? Нијә илләрдир сөз верилән Дағлыг Гарабағын азад олмасы үчүн бир мүсбәт аддым атылмыр? Вәтәни азад етмәк үчүн ону севән шәхсләр лазымдыр. Бунун үчүн дәнәинки һеч бир ишләр ҝөрүлмүр, бу аз кими милләти вә халгы дининдән вә вәтән севҝисиндән сојудан мәнәвијјатсыз шоу верлишләр һазырлајырлар.
Мисал олараг, “Авровизиа” маһны мүсабигәсини вә телевизијаларда ҝедән шоу програмлары ҝөстәрмәк олар. Инанын,бу проблемләр тәк Гарабағла битмир. Тәһсилимиз, сәһијјәмиз вә ән әсасы милли-мәнәви дәјәрләримиз бәрбад ҝүндәдир вә ҝүнү-ҝүндән дә ҝеријә ҝетмәкдәдир.
Мәктәбләрә һиҹаблы балаларымыз ҝедә билмир. Сәһијјә вә тәһсил оҹагларында рүшвәт вә өзбашналыглар баш алыб ҝедир.
Ҝәләҹәк президентә галдыгда исә кимлијиндән асылы олмајараг, мән Али Баш Команданымызы Милли-Мәнәви дәјәрләрә һөрмәт едән, халгын хидмәтиндә дуран бир шәхс кими ҝөрмәк истәјирәм.
Диггәт: Хәбәрдән истифадә етдикдә мәнбәјә истинад лазымдыр
