Әһли Бејт -АБНА- хәбәр аҝентлијинин вердији хәбәрә әсасән Лондонда јашајан вә тәһсил алан азәрбајҹанлылар Азәрбајҹан сәфирлијинин өнүндә Исмајыллыја дәстәк аксијасы кечириб.
Тәхминән 20 нәфәрин иштирак етдији аксијада “Һандс офф Исмајыллы”, “Чиркли әлләринизи Исмајыллыдан чәкин”, “Һәбс етдикләринизи азад един” вә “Әләкбәров Исмајыллыны тәрк ет” тәләбләринин јазылдығы постерләр ачылыб.
Аксија иштиракчылары полис тәрәфиндән һәбс едиләрәк ишҝәнҹәјә мәруз галмыш Исмајыллы сакинләринин азадлыға бурахылмасыны вә Исмајыллы Иҹра Һакимијјәтинин башчысы Низами Әләкбәровун истефа верәрәк Исмајыллыны тәрк етмәсини тәләб едибләр.
Дәстәк аксијасы заманы сәфирлик әмәкдашларындан һеч ким иштиракчыларла ҝөрүшмәјиб. Исмајыллы сакинләринә дәстәк аксијасы Британијадакы Азәрбајҹан Демократик Ассосиасијасы тәрәфиндән тәшкил едилиб. Иштиракчылар һәмчинин Исмајыллыдакы вәзијјәти, инсанларын сосиал проблемләрини мүзакирә едибләр.
Диггәт: Хәбәрдән истифадә етдикдә мәнбәјә истинад лазымдыр
