Әһли Бејт -АБНА- хәбәр аҝентлијинин вердији хәбәрә әсасән исраил режиминин Бакыдакы сәфири рафаел һарпаз 525-ҹи гәзет илә мүсаһибәдә Азәрбајҹан вә ҹинајәткар исраил режиминин мүнасибәтләри һагда дејиб: Өтән ил бәзи исраил рәсмиләри о ҹүмләдән хариҹи ишләр назири авигдор либерман вә кәнд тәсәррүфаты назири Азәрбајҹана сәфәр едибләр.
Һәмчинин, Азәрбајҹанын игтисади инкишаф назири Шаһин Мустафајев исраилдә сәфәрдә олуб. Игтисадијјат Форуму чәрчивәсиндә дә мүхтәлиф сәфәрләр һәјата кечирилиб.
исраил вә Азәрбајҹан Республикасынын јығма футбол командаларынын матчлары олуб. Вә Еуровисион маһны мүсабигәси чәрчивәсиндә исраилдән бөјүк бир һејәт Бакыда сәфәрдә олду.
исраил режиминин Бакыдакы сәфири исраил режиминин енержи дашыјыҹыларына олан тәләбатынын тәмин едилмәсиндә Азәрбајҹанын ролуна тәкид едәрәк, дејиб: исраилдә бөјүк бир газ јатағы кәшф едилиб. Лакин, биз бу саһәдә лазыми тәҹрүбәләрә малик дејилик.
О ҹүмләдән газма ишләри вә верҝи мәсәләләри саһәсиндә кифајәт гәдәр тәҹрүбәмиз јохдур. исраилдә Нефт Фонду јени тәсис едилмиш бир гурумдур. Буна ҝөрә дә биз бу зәминдә Азәрбајҹанын тәҹрүбәләриндән фајдаланмаг истәјирик.
Һәмчинин, бир даһа гејд етмәк истәјирәм ки, Азәрбајҹан Республикасынын Каспиан Дирлинҝ Ҹомпани газма ширкәти һал-һазырда исраилдә фәалијјәт ҝөстәрир.
рафаел һарпаз әлавә едиб: исраилдә өзәл сектор да Азәрбајҹана бөјүк мараг ҝөстәрир. исраил ики ил өнҹәдән “Бакутел” сәрҝисиндә иштирак едир вә бу сәрҝидә өзүнә мәхсус павилјону вар.
Һәр ҝүн фәләстинлиләрин ганыны ахыдан сионист исраил режиминин тәмсилчиси даһа сонра дејиб: Азәрбајҹан ејни заманда һәм исраил һәм дә Фәләстин халглары илә достлуг мүнасибәтләринә малик ола биләр. Биз өзүмүз сүлһүн “тәрәфдарыјыг” вә үмидварыг ки, Фәләстин өзүнү идарә тәшкилатынын рәһбәрлији дә мүзакирәләрин бәрпасы илә разылашсын.
р.һарпаз 525-ҹи гәзетә мүсаһибәсинин давамында дејиб: исраил Гарабағ мүнагишәси илә бағлы ајдын мөвгејә маликдир. Реҝиондакы тәҹрүбәләримизә истинадла бу мүнагишәнин динҹ јолла һәлл едилмәсини истәјирик. исраил Азәрбајҹанын әрази бүтөвлүјүнү вә Минск Групунун сәјләрини һимајә едир.
исраил режиминин Бакыдакы сәфири тәмсил етдији режимин Азәрбајҹан әразисиндән Иран Ислам Республикасы әлејһинә суи-истифадә етмәсинә ҝәлинҹә исә белә иддиа едиб: Әввәла, Иран Ислам Республикасы нүвә силаһы әлдә етмәк нијјәтиндәдир. Икинҹиси, ИИР ән бөјүк бејнәлхалг “террор” тәшкилатларыны о ҹүмләдән Ислами Ҹиһад, Һизбуллаһ, Һәмас вә диҝәр террор тәшкилатларыны һимајә едир. Үчүнҹүсү ИИР сон дәрәҹә фундаментал вә ифратчы идеолоҝијаја маликдир вә бу идеолоҝијаны бүтүн Ислам өлкәләринә јајмаг истәјир вә сонунҹусу Иран Ислам Республикасы Јахын Шәргдә башлыҹа ҝәрҝинлик амилидир вә ИИР-а гаршы санксијалар өнәмли әһәмијјәтә маликдир.
исраил режиминин Азәрбајҹандакы сәфири сионист-јәһуди тәшкилатларын рәсми Бакыдан вә диаспора тәшкилатындан суи-истифадә етмәләри һагда да дејиб: Бу хүсусда Азәрбајҹанын мәдәнијјәт вә туризм назири Әбүлфәз Гарајев илә сөһбәт етдим.
Азәрбајҹанын ән бөјүк диаспорларындан бири исраилдәдир. Азәрбајҹанда сон дәрәҹә јахшы инфраструктурлар јарадылыб вә ҝениш потенсиаллар мөвҹуддур.
Гәбәләр, Губа, Лаһыҹ вә Ширван мәнтәгәләринә бахыш кечирмишәм. Бакы да чох ҝөзәл шәһәрдир.
исраилдән Азәрбајҹана бирбаша һава рејсләри мөвҹуддур вә исраилли туристләр Азәрбајҹана вә Азәрбајҹанлы туристләр исраилә сәфәр едирләр.
Диггәт: Хәбәрдән истифадә етдикдә мәнбәјә истинад лазымдыр
