Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән Ичәришәһәр “Ҹүмә” мәсҹидинин дини иҹмасы “20 Јанвар – ган јаддашымыз” мөвзусунда семинар кечирмишдир. Семинарын модератору Һаҹы Ибраһим тәдбири ачыг елан етди. Ардынҹа Мәшһәди Илгар Гурани-Кәримдән ајәләр тилавәт етди. Гуран тилавәтиндән сонра Һаҹы Ибраһим кичик мугәддимә илә 20 Јанвар халг һәрәкаты һаггында мәлумат верди. Совет рәһбәрлијинин ҹинајәтләри вә о заман Азәрбајҹанын дахили вә хариҹи сијасәтиндә бас вермиш ҹәрајанлар һаггында данысды. Азәрбајҹанын һәмин ҝүнләрдә тәкләндијини, Империја рәһбәрлијинин, хариҹи дәстәклә вәтәнимизә гаршы ҹинајәт төрәтдикләрни хатырлатды. Горбаҹовун Азәрбајҹана гаршы апардығы сијасәти писләди.
Ичәришәһәр “Ҹүмә” мәсҹидинин имам-ҹамааты Һаҹы Илгар Ибраһимоғлу чыхышында гејд етди ки, белә тәдбирләрин бөјүк әһәмијјәти вардыр. Бу мәсәләләр ҝениш јашадылмалыдыр. 20 јанварда топлумда шәһид сөзү бәрпа едилди. 20 Јанвар шәһидләри мәрсијәләрлә, нөвһәләрлә, рөвзәләрлә јад едилди. Имам-ҹамаат, о заман халгымызын милли-мәнәви дәјәрләринин интибаһыны јашамасыны гејд етди. Бу тарихи унутдурмаг истәјәнләрин нијјәтләрини тәһлил етди, хатирәни јашатмағын һәр биримизин үзәриндә вәзифә олмасына диггәт чәкди.
Чыхыш үҹүн сөз Кәрбәлаји Елхана верилди. Чыхышчы Рус империјасынын тарих боју Азәбајҹан халгына гаршы апардыглары репрессијалары хатырлатды. 20 јанвар ҝүнләриндә просесләрин хронолоҝијасыны хатырлатды. Азәрбајҹанын информасија блокасында олдуғуна диггәт чәкди.
Сонра Һаҹы Шаһинә сөз верилди. Һәмин ҝүнләрдә шаһиди олдуғу һадисәләри хатырлады. Вә сонра 20 јанвар һадисәләринин халг һәрәкатында баш верән сијаси вә иҹтимаи ҹәрәјанлар һагда данышды.
Сөз алан Һаҹы Ибраһим Аллаһвердијев о заман Советләр Иттифагынын мүхтәлиф реҝионларында јер азадлыг һәрәкатынын тарихи һаггында данышды. Чыхышчы гејд етди ки, 20 јанвардан сонра бејнәлхалг иҹтимаијјәтдә фикирләр мүәјјән дәрәҹәдә дәјишди. Ермәниләрин вә Горбаҹовун ҹинајәткар маһијјәтләри ифша едилди.
Даһа сонра чыхыш едән Мәшһәди Илгар, шәһид верән топлумумузун динә ҝәлиши феноменини тәһлил етди.
Сонра чыхыш едән Мәшһәди Хосров, шәһидләри анмағын фәлсәфәсиндән сөз ачды. Чыхышчы гејд етди ки, бир философун тәбиринҹә десәк, ҹисимләр вә ҹанлылар һамысы бир-бирләри илә шәрикдир. Бу бахымдан, бизим дә шәһидләрлә шәрик олдуғумузу деди. Мәшһәди Хосров 20 Јанвардан сонра топлумда бәргәрар олан вәһдәт һаләтиндән данышды.
Сөз алан Кәрбалаји Әли гејд етди ки, халгымызы ганына гәлтан етсәләр дә, руһијјәсини өлдүрә билмәдиләр. 20 Јанвар шәһидләри өз ганлары илә силаһа, ҝүлләјә галиб ҝәлдиләр.
Сон сөзүндә Һаҹы Ибраһим шәһидләрин дири олмасы барәдә фикир билдирди. Гурандан ајәләр - “Али-Имран” сурәсинин 169-170-ҹу ајәләри охунду.
Тәдбир, “Фәрәҹ” дуасынын охунмасы илә јекунлашды.
Диггәт: Хәбәрдән истифадә етдикдә мәнбәјә истинад лазымдыр
