Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән Бу ҝүн АИП лидери Мөвсүм Сәмәдовун “Илин мәнәвијјат адамы” сечилмәси илә бағлы Зијалылар Бирлији тәрәфиндән тәгдимат мәрасими кечирилиб. Тәдбирдә өлкәнин танынмыш зијалылар, иҹтимаијјәт вә медиа нүмајәндәләри иштирак едибләр.
Илкин олараг чыхыш едән Зијалылар Бирлијинин сәдри Елдәниз Гулијев 20 јанвар һадисәси илә бағлы бүтүн мүсәлман дүнјасына вә Азәрбајҹан халгына дәрин һүзнлә башсағлығы вердијини билдирди. Һеч бир азадлығын вә истиглалијјәтин гансыз баша ҝәлмәдијини билдирән Елдәниз бәј, “20 јанвар һадисәсиндә биз бир даһа ҝөрдүк ки, өлкәмизин мүстәгиллијини ганла газандыг. Тамам башга бир шејдир ки, мүстәгиллијимизи оғурлајыблар. Тәбии ки, бу һал мүвәггәтидир вә гыса заман әрзиндә јенидән халгымыз өз һаггыны ҝери гајтараҹаг”, - дејә билдирди: “ Дәјәрли вә чох јүксәк кејфијјәтләрә саһиб олан Мөвсүм Сәмәдов бу ҝүн ондан асылы олмајан сәбәбләрдән арамызда дејил вә тәдбирдә иштирак едә билмир. Лакин елә етмәјә чалышдыг ки, о бизим арамызда олсун. Онун үчүн Азәрбајҹан Зијалылар Бирлијинин Али Шурасы јекдил олараг гәрара ҝәлди ки, “Илин мәнәвијјат адамы” мүкафатына Мөвсүм Сәмәдову лајиг ҝөрсүн”, - дејә билдирди: “Һәтта бу мәсәлә илә бағлы Зијалылар Форумунун апарыҹы үзвү Рүстәм Ибраһимбәјовдан чох бөјүк дәстәк ҝәлди. Рүстәм бәј билдирди ки, сиз чох дүзҝүн аддым атараг белә бир иш ҝөрмүсүз. ”
Бундан сонра “Илин Мәнәвијјаты адамы” мүкфаты АИП-ин сәдр мүавини Рөвшән Әһмәдова тәгдим едилди ки, Мөвсүм Сәмәдовун аиләсинә чатдырылсын.”
Диггәт: Хәбәрдән истифадә етдикдә мәнбәјә истинад лазымдыр
