Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән Бирләшмиш Милләтләр Тәшкилатынын Ираг үзрә тәмсилчиси, “Мартин Кублер” Дүнја Мүсәлманларынын Тәглид Мәрҹәси, Ајәтуллаһ Систани һәзрәтләри илә күчиртдији ҝөрүшдән сонра, медиа гаршысында журналистләрә вердији ачыгламада билдириб: “Ҹәнаб Ајәтуллаһ Систани Ирагда јашанан мөвҹуд проблемләрин, хүсуси иләдә сон заманлар өлкә әразисиндә баш верән тәзаһүратларын һәлли үчүн план ирәли сүрүб”.
БМТ-нин Ираг үзрә нүмајәндәси даһа сонра әлавә едиб: “Гејд олунан план бир нечә бәнддән ибарәтдир. Бәндләрдә динҹ, демократик данышыглар јолуна вә өлкә әразисиндә митинг едәнләрин истәкләрини тәмин етмәк мәгсәди илә хүсуси комитәнин јарадылмасына тәкид едилир”.
Кублер ачыгламасынын сонунда билдириб: “Бирләшмиш Милләтләр Тәшкилаты, Ирагда мөвҹуд олан вә Ираг өлкәсинин тәрәггиси үчүн чалышан бүтүн партија вә груплардан, һәмчинин мүхтәлиф шәһәрләрдә ганун чәрчивәсиндә тәзаһүрата чыхан инсанлардан һимајәт едир”.
Диггәт: Хәбәрдән истифадә етдикдә мәнбәјә истинад лазымдыр
