Әһли Бејт -АБНА- хәбәр аҝентлијинин вердији хәбәрә әсасән Сурија Хариҹи ишләр назирлији, Бирләшмиш Милләтләр Тәшкилатынын (БМТ) Тәһлүкәсизлик Шурасы вә БМТ Баш катиби Пан Ҝи-Муна јаздығы мәктубда, Һәләбдә талан едилән фабрикалардаки малларын Түркијәјә гачырылдығыны вә бүтүн бунларын Түрк һөкумәтинин мәлуматы дахилиндә реаллашдығыны иддиа едиб.
Назирлик, 1000 ҹиварында фабрикин талан едилмәсини бир "һүҹум һәрәкәти" олараг тәриф едәрәк билдириб: "Бу һәрәкәт бир даһа, Суријада јашанан бөһранла әлагәдар, Түркијәнин еһтирасларыны вә мөвҹуд бөһранда ојнадығы ролуну ачыг ҝөстәрди".
Мәктубда, сојғунчулуғун гануни олмајан, гулдурлуға әл атан вә Сурија халгынын мал вә мүлкүнә гаршы бир һүҹум олдуғу ифадә едиләрәк, Түркијәнин беләликлә "Суријанын зәнҝинликләринин талан едилмәси үчүн, зәрури шәраити тәмин едәрәк терроризмә дәстәк вердији" гејд едилир.
Сурија, БМТ-нин Тәһлүкәсизлик Шурасы вә Пан Ҝи-Мундан, бу һүҹумларын гынанылмасыны, тәхрибат вә террор һүҹумларына гаршы лазыми тәдбирләрин алмасыны тәләб едиб.
Диггәт: Хәбәрдән истифадә етдикдә мәнбәјә истинад лазымдыр
