Ајәтуллаһ Мәһәммәд Багир Сәдрин баҹысы, мүбариз гадин олан Бинтүл-Һүда Сәдр һаггында гыса мәлумат.
О Сәддам Һүсејнә гаршы амансыз мүбаризә апаран чох дәјәрли бир сима иди. Имам Хомејни Ирага сүрҝүн олунан заман бу гадынла танышлығы олур . Онун шүҹаәтини сејр едәркән Имам Хомејни Бинтүл Һүда һаггында тарихин ән дәјәрли бир сәтрини сөјләјир: “О киши олсајды мән она тәглид едәрдим...”
Онун ҹәсарәти бүтүн Ираг ҹамаатына бәлли иди. О гардашы Ајәтуллаһ Мәһәммәд Багирә дејирди: “Нә гәдәр ки, мән сағам бу мәлун Сәддам Һүсејн сәни гәтлә јетирмәјәҹәк. Мәним шәһадәтимдән сајылы ҝүнләр өтмәјәҹәк ки, о сәни дә шәһид едәҹәк”. БӘӘС тәшкилатына, Сәддам Һүсејнин зүлмләринә гаршы мүбаризә мејданында бир Зәһра (с.ә.) давамчысы олараг бөјүк ирадә нүмајиш етдирән Бинтүл-Һүда Ханим Зәһранын (с.ә.) шәһадәт мәҹлисләрини Сәддамын бүтүн гадағаларына бахмајараг тәшкил етмәси тарихә гызыл һәрфләрлә јазылан бир һадисәдир. О заман Нәҹәфин бир чох танынмыш сималары бу аддымы атмаг истәсәләр дә Сәддамын сәрт тәпкиси илә үзләшдикләри бир һалда бу гадын “Нәнәм Зәһранын (с.ә.) әзасыны тәшкил етмәјә һеч кәс мәнә мане ола билмәз” дејиб мејданлара чыхыр вә чох кечмәдән бу ҝүн Ирагда мәнәви јүксәлишә сәбәб олан Ханым Зәһранын (с.ә.) әза мәҹлисинин бәрпасына наил олур.
Мәнәвијјат долу Сәдрләр аиләсинини парлаг сималары өз мүбаризә әзми илә ХХ әсрин бир чох даһиләрини инсанлыға әрмәған етмишдир. Бөјүк Ислам мүтәфәккири Ајәтуллаһ Мәһәммәд Багир Сәдр (Ирагын сабиг башчысы Сәддам Һүсејн онун ити зәкасына, ағыл вә дүшүнҹәсинә һејран олдуғуну она билдирдикдән сонра ону елә бу ағыл вә билијинә ҝөрә дә аҹылы өлүмлә гәтлә јетирәҹәјини билдирир. Електрик дрелин васитәси илә баш гапағынын дешилмәсини әмр верән Сәддам Һүсејн онун бејнини дағыдараг бөјүк дүһаны шәһадәтә јетирир), Имам Муса Сәдр (О Бинтүл-Һүданини әмиоғлусу иди) (Бөјүк ислаһатчы, иҹтимаи хадим олан Имам Муса Сәдр 25 Август 1978-ҹи илдә Ливија дөвләтинин рәсми дәвәти илә һәмин өлкәјә сәфәр едир. Бу онун сон сәфәри олур. О вахтдан бу ҝүнү гәдәр узун илләр кечир. Әлдә оунан бүтүн дәлил вә сүбутлар онун Ливија әразисиндә өлкә рәһбәри Муһәммәр Гәддафинин ҝөстәриши илә гачырылдығыны тәсдигләјир. Һәјат Гәддафини дә Сәддам Һүсејн кими алчалдыҹы өлүмә дүчар едир. Лакин һакимијјәтин дәјишилмәсинә бахмајараг Имам Муса Сәдр һаггында һәләдә бир мәлумат јохдур), Ајәтуллаһ Мәһәммәд Садиг Сәдр (Онун шәһадәти дә тарих јазан һадисәләрдәндир. О даһи шәхс мәғрур ҝөркәмдә, чијинләриндә кәфән салмыш һалда Куфә мәсҹидинә ҝәлир. Јенә дә сәрт вә кәскин формада хүтбәләриндә мөвҹуд режими (Сәддам Һүсејн режмини), дүнја зүлмкарларыны писләјир, диҝәр хүтбәсиндә исә инсанлары Аллаһа сығынмаға, ихласлы олмаға чағырыр. Сөһбәтинин сонунда санки онларла видалашырмыш кими деди: «Еј инсанлар билин ки, һәр шәһид олан шәхсин шәһадәт хәбәри санки мәним өз өлүмүм кимидир. Аллаһ бујуруб ки, мөминләр бир бәдәнин үзвү кимидирләр. Биринин һисс етдијини бүтүн бәдән үзвүләри һисс едир. Бу бахымдан јашанан һәр бир шәһадәт хәбәри бизим өз шәһадәт һиссимиз кими бизә јахындыр…» Сөһбәтинин сонуну Имам Һүсејнин (ә) Кәрбәла һадисәси илә әһатәләндирән Ајәтуллаһ Сәдр инсанлары һәмишә бу әгидәдә олмаға чағырыр вә бунунла да Ҹүмә намазы битир. Бу Ајәтуллаһ Шәһид Муһәммәд Садиг Сәдрин сон Ҹүмә намазы олур. Бу һадисәдән сонра бир нечә ҝүн өмүр сүрән Ајәтуллаһ Садиг Сәдр силаһдашлары илә јахын ҝөрүшләр кечирир, онлара дәјәрли мәсләһтәләр верир, сонракы ҝедишдә даһа ајыг вә ҹәсарәтли, ејни һалда Илаһи разылығы әлдә етмә истигамәтиндә чалышмаларыны билдирир. Нәҹәф шәһәринин Әл-Бәрани бөлҝәсинә матәм мәҹлисинә дәвәт алан Сәдр ҝери дөнәркән јолда ики оғлу Мустафа вә Муәммилин дә јер алдығы автомобилләри Сәддам Һүсејнини силаһлылары тәрәфиндән атәшә тутулараг һәр үчүнү шәһид едирләр) бу аиләнини дәјәрли сималарындандыр. Бинтүл-Һүда исә аиләнини Ханым Зејнәб (с.ә.) јолунуну давамчысы олан гадын гәһрәманыдыр. 1978-ҹи илдә Ајәтуллаһ Муһәммәд Багир Сәдрин һәбси Ханым Бинтүлһуданы мүбаризә мејданында бир аз да мәтинләшдирир. Иҹтимаи чыхышларында инсанлары һаггларыны мүдафиәјә сәсләјән ханым дини вәзифәләрдән ирәли ҝәлән аддымларын Илаһи дәјәрләрә әсасланығы һалда Аллаһын разылығындан башга бир шеј олмадығыны диггәтә чәкәрәк Сәддам Һүсејн вә онун идарә етдији режмин сүгута уғрајаҹағы ҝүнү Ираг халгынын ҝөрәҹәји вәдәси илә чыхышлар едир. Вә бу чыхышларын нәтиҹәси олараг О, Муһәммәд Багир Сәдрин дәфәләрлә азадлыға бурахылмасына наил олур. Әлбәттә ки, бу азадлыг мүвәггәти характер дашыјырды. Чүнкү диктатор Сәддам Һүсејн артыг таныш олдуғу бу аиләнин үзвүләри илә неҹә давранаҹағыны чох јахшы билирди.
1979-ҹу илдә БӘӘС тәшкилатынын хүсиси хидмәт органлары Муһәммәд Багир Сәдрлә јанашы баҹысы Бинтүл Һуда Сәдри өлкәдә дөвләт әлејһинә апардыглары тәблиғат сәбәби илә һәбс едирләр. Ҹидди ишҝәнҹәләрә мәруз галан баҹы гардашы һәр вәҹлә сусдурмаға чалышан режим сонунда һәбсдән ики ҝүн сонра Бинтүл Һуданы шәһид едир. Шәһадәтиндән өнҹә Бинтүл Һүданын Сәддам Һүсејнә дедији вә заман кечдикдән сонра онун сәсләндирдији фикирләрин һәр бири ејни дәгигиликлә ҝерчәлкәшән бу иманлы ханымын гејби билҝиси елә бу сәтирләрин варлығында ҝизләнмишдир. О шәһадәтиндән сајылы дәгигәләр габаг Сәддам Һүсејнини үзүнә бахыб белә сөјләјир: “Сән чох бәдбәхт адамсан. Анд олсун Аллаһа ки, сәнини о һалыны ҝөрүрәм ки, горхундан ит дамында ҝизләнмисән вә јалварырсан ки, сәни бурада кимсә ҝөрмәдән бурада јашајасан. Сәни чох бијабырчы һалда о дамдан чыхарырлар, елә бијабырчы һалда ки, баханлар сәни танымырлар. Јалныз һејванлар кими сәни дишиндән танијирлар ки, сән һәмән горхаг шәхссән. Сәни дар ағаҹында бојуну кәндирли һалда чәкирләр. О һалда һеч бир көмәјин олмадан тәнһа галдығыны сәни инди ҝөрдүјүм кими ҝөрүрәм Валлаһ...” О заманлар Сәддам Һүсејн кими диктаторун белә аҹынаҹаглы формада едам олунаҹағы кимсәнини бејнинин кәнарындан белә кечмәјәҹәји бир һалда иман мүҹәссәмәси олан бу ханымын сөјләдији сәтирләр там дәгигилији илә 30 ил сонра ҝерчәкләшди.
Һазырлады Әбүлфәз Бунјадов.
Диггәт: Хәбәрдән истифадә етдикдә мәнбәјә истинад лазымдыр
