Әһли Бејт -АБНА- хәбәр аҝентлији- Бу ҝүн Сәфәр ајынын 3-ҹү, Ислам Пејғәнбәри Муһәммәд Ибн Әбдуллаһын (сәлләллаһу әлејһи вә алиһ) нәслиндән олан мә`сум өвлады, Аллаһын (ҹәллә ҹәлалуһ) јер үзәриндәки ки Һөҹҹәти, Муһәммәд ибн Әлинин (әлејһимәс сәлам) анадан олан ҝүнүдүр.
Бу ҝүн, бәшәријјәтин ән севинҹли ҝүнләриндән бири сајылыр. Бу анлар Алаһ Тәалаја едилән дуаларын гәбул олан анларыдыр.
Биз АБНА олараг дүнја халгларынын бу севинҹинә гошулур вә мисилсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) Һәзрәтләринин өзүнү вә онун һагг наиби Имам Хаменеји ҹәнаблары олмагла бүтүн бәшәријјәти сәмими гәлбдән тәбрик едирик.
Имам Багирин гыса кәламлары
1- “Еј Ҹабир! Һәр ким Аллаһа итаәт едәр вә биз Әһли Бејтин (әлејһимус сәлам) мәһәббәтини дашыјар, о, бизим вәлимиздир. Амма һәр ким Аллаһ итаәт етмәјәрсә, бизә мәһәббәт бәсләмәји она һеч бир фајда вермәјәҹәкдир.”
2- “Инсанын камиллики, онун диндә алим олмасында, бәлалара сәбр етмәсиндә вә һәјатында ифрат вә тәфритә јол вермәмәсиндәдир”.
3- “Ҹүмә ҝүнү сәдәгә вермәјин савабы даһа да артыг олур”.
4- “Еј инсанлар! Доғру данышын. Аллаһ доғру данышанларладыр”.
5- “Гијамәт ҝүнү һаммыдан артыг һәсрәт чәкиб, тәсүфләнән кәс, әдаләти тәрифләјән, лакин она әмәл етмәјән инсандыр”.
6- “Анд олсун Аллаһа, һәр ким (бир мәсәләдән өтрү) чох дуа едәрсә, мүтләг онун һаҹәти гәбул олар”.
7- “Бизим шиәләр, јалныз Аллаһа (ҹәллә ҹәлалуһ) итаәт едән кәсләрдир”.
8- “Мүсәлман о, ксәдир ки, диҝәр мүсәлманлар онун дилинин вә әлинин әзијјәтиндән аманда галарлар”.
9- “Исламын әсасы бешдир: 1- Намаз. 2- Зәкат. 3- Мүбарәк Рамазан ајынын оруҹу. 4- Һәҹҹ. 5- Имамларын Вилајәтин гәбул етмәк”.
10- “Дишләри јујуб ики рәкәт намаз гылмаг, дишләри јумајыб 70 рәкәт намаз гылмагдан үстүндүр”.
11- “Өз ишиләрндә, Аллаһдан горхан инсанлар илә мәшвәрәт ет”.
12- “Елминдән бәһрәләнән алим, 70 мин абиддән үстүндүр”.
Диггәт: Хәбәрдән истифадә етдикдә мәнбәјә истинад лазымдыр
