Әһли Бејт -АБНА- хәбәр аҝентлијинин вердији хәбәрә әсасән Русија Хариҹи Ишләр Назирлијинин хүсуси нүмајәндәси Александр Лукашевич бу ҝүн кечирдији брифингдә дејиб: “Русијанын Сурија мүнагишәсинин һәлли мәсәләсиндә мөвгеји дәјишмәјиб”.
“АБШ Дөвләт Департаментинин хүсуси нүмајәндәсинин “Нәһајәт ки, Москва јухудан ајылыб вә мөвгејини дәјишир” бәјанатыны ҝөрмүшәм. Демәк истәјирәм ки, биз һеч вахт јатмырыг, өз мөвгејимизи дәјишмирик вә дәјишмәјәҹәјик”.
Гејд едәк ки, дүнән Русија ХИН башчысынын мүавини Михаил Богданов “Рәсми Москва Суријада һәрби гаршыдурманын хариҹи дәстәк һесабына мүхалифәтин гәләбәси илә баша чата биләҹәјини истисна етмир” бәјанаты илә чыхыш едиб.
АБШ Дөвләт Департаментинин хүсуси нүмајәндәси русијалы дипломатын бу бәјанатыны “Нәһајәт ки, Москва јухудан ајылыб вә мөвгејини дәјишир” дејә шәрһ едиб.
А. Ликашевич исә буҝүнки брифингдә Михаил Богдановун сон ҝүнләрдә Сурија мөвзусу илә бағлы мүсаһибә вә ја ачыглама вермәдијини сөјләјиб: “Русија Сурија мүнагишәсинин дипломатик јолла һәлл едилмәсинин тәрәфдарыдыр. Бу конфликтин башга һәлли јолу јохдур. Мөвҹуд һакимијјәтлә мүхалифәтин диалогунун тәшкил едилмәсинин тәрәфдарыјыг”.
Диггәт: Хәбәрдән истифадә етдикдә мәнбәјә истинад лазымдыр
