Әһли Бејт -АБНА- хәбәр аҝентлијинин вердији хәбәрә әсасән “Тәәссүфләр олсун ки, инсан һагларынын дуруму илә бағлы Азәрбајҹанда ҹидди проблемләр вар. Дејиләнләрә нүмунә ҝөз габағындадыр. Әҝәр өлкәнин ән виҹданлы вә тәмиз инсанлары әсассыз јерә шәрләнәрәк һәбс едилирсә, һансы инсан һагларындан данышмаг олар? Белә ки, өлкәнин танынмыш зијалы саф вә виҹданлы инсанлары әсассыз иттиһамларла һәбсханаларда сахланылырлар.”
Бу сөзләри АИП-ин сәдр әвәзи Елчин Манафов 10 декабр Бејнәлхалг Инсан Һүгуглары ҝүнү илә бағлы ачыглама верәркән сөјләјиб. Баш верәнләрин һамысынын нараһатедиҹи бир һал олдуғуну билдирән Елчин Манафов, “диндар вә ја гејри-диндарындан асылы олмајараг, һамынын һүгуглары позулур. Артыг нечә илдир ки, өвладларымызын тәһсил һүгуглары кобуд шәкилдә тапдаланыр. Белә ки, бу ҝүнә гәдәр һәлә дә һиҹаб проблеми өз һәллини тапмајыб”, - дејә билдирди: “Һиҹаб проблеминин бу ҝүнә гәдәр һәлл едилмәмәси инсан һагларынын дурумунун һансы сәвијјәдә олмасындан хәбәр верир. Лакин арзумуз будур ки, инсан һагларынын горунмасы өлкәмиздә ән јүксәк сәвијјәдә тәмин едилсин. Азәрбајҹан халгынын малик олдуғу дәјәрләр буну демәјә әсас верир”.
Диггәт: Хәбәрдән истифадә етдикдә мәнбәјә истинад лазымдыр
