Әһли Бејт -АБНА- хәбәр аҝентлијинин вердији хәбәрә әсасән журналистләрә ачыглама верән президент админстрасијасынын рәһбәри Рамиз Меһдијев билдири. "Зијалылар Форуму һеч дә Азәрбајҹан зијалыларыны тәмсил етмир".
О дејиб ки, форумун јарадыҹылары шәхси мәгсәдләрини ҝүдүрләр: “Садәҹә олараг, 10-20 нәфәр бура јығылыб белә бир тәшкилат јарадыблар. Анҹаг әҝәр сиз бу тәшкилатчыларын кечмишини, бу ҝүнүнү тәдгиг етсәниз, ҝөрәрсиниз ки, һәмин тәшкилатчыларын мәгсәдләри нәдән ибарәтдир. Кимсә депутат сечилмәјиб, киминсә бизнеси баш тутмајыб, киминсә башга марағы олуб тәмин едә билмәјиб, кимсә ишдән говулуб. Бах, бу типли инсанлар орда јығышыблар. Дејә биләрәм ки, әјләнирләр вә онларын Азәрбајҹанын ҝәләҹәји үчүн һеч бир хејри јохдур. Азәрбајҹанда зијалыларын сајы јүзмүнләрләдир вә 10-15 нәфәр һәмин зијалыларын марагларыны һеч дә тәмин едә билмәзләр”.
Диггәт: Хәбәрдән истифадә етдикдә мәнбәјә истинад лазымдыр
