Әһли Бејт -АБНА- хәбәр аҝентлијинин вердији хәбәрә әсасән Талыш Ағсаггаллар Шурасы Азәрбајҹан халгына вә бејнәлхалг иҹтимаијјәтә мүраҹиәт јајыб. Мүраҹиәт “Медиа форум” сајтына өтән әсрин 90-ҹы илләриндә сепаратчылыға ҝөрә мәһкум олунмуш, Авропада јашајан Әләкрәм Һүмбәтовун адындан, судисси@һотмаил.ҹом електрон почтундан дахил олуб. Мәтнин сонунда Талыш Ағсаггаллар Шурасынын баш катиби Забил Мәһәррәмовун ады јер алыр.
Әләкрәм Һүмбәтовун јајдығы мүраҹиәтдә дејилир: “Азәрбајҹан парламенти һаггында конститусија мүддәалары, ганун вә әсаснамәләр, Сечки Мәҹәлләси вә диҝәр сәнәдләр елә тәртиб едилиб ки, ганунвериҹи вә мәһкәмә һакимијјәтләри иҹра һакимијјәтинин нәзарәтиндә фәалијјәт ҝөстәрсин. Бу сәбәбдән Милли Мәҹлисдә һеч бир мүхалиф фраксија, јахуд идеја бирликләри јохдур. Иҹра һакимијјәтинин формалашдырдығы сечки комиссијаларында игтидара садиглији илә сечилән “битәрәфләр”ин тәмсилчилији сајәсиндә бүтүн сечки вә референдумларын нәтиҹәләрини сахталашдырмаг имканлары јарадылыб, һакимијјәтин формалашмасында халг ирадәсинин ролу һечә ендирилир.
Талыш Ағсаггаллар Шурасы бу ҹур сахтакарлыгла, Азәрбајҹан халгынын ирадәсинә зидд формалашдырылмыш парламентин – Милли Мәҹлисин бурахылмасыны истәјир, икипалаталы парламентин јарадылмасыны, парламентли республика гуруҹулуғу наминә јени конститусијанын һазырланараг бејнәлхалг нәзарәтин тәминаты илә үмумхалг референдумуна верилмәсини, бүтүн сијаси гүввәләрин, милләтләрин нүмајәндәләринин тәмсил олундуғу сечки комиссијаларынын јарадылмасыны вә диҝәр ислаһатларын кечирилмәсини тәклиф едир”.
Диггәт: Хәбәрдән истифадә етдикдә мәнбәјә истинад лазымдыр
