Әһли Бејт -АБНА- хәбәр аҝентлијинин вердији хәбәрә әсасән Һаҹы Абҝүл Сулејмановун вәкили Анар Гасымлы илә Күрдәханы тәҹридханасында ҝөрүшүб.
“Һаҹы Абҝүллә ишин ҝедишаты һаггында, мәһкәмәјә һазырлыг барәдә сөһбәт етдик, мүзакирәләр апардыг.
Сәһһәтиндә һеч бир проблем јохдур. Руһијјәси чох јахшыдыр” дејән вәкил Анар Гасымлы руһанинин иши илә бағлы һәр һансы бир јенилијин олмадығыны дејиб.
Вәкил һәмчинин мәһкәмәнин вахтынын тәјин едилмәсини ҝөзләдикләрини билдириб.
Хатырладаг ки, анти-Ислам Илаһам Әлијев режими әнәнәви олараг Абҝүл Сулејманова гаршы зор тәтбиг едәрәк она гара јахмыш вә ҹинајәт мәҹәлләсинин 283.2.1 (Зор тәтбиг етмәклә вә ја зор тәтбиг етмә һәдәси илә төрәдилдикдә милли, ирги, сосиал вә ја дини нифрәт вә дүшмәнчилијин салынмасы (үч илдән беш иләдәк мүддәтә азадлыгдан мәһрум етмә илә ҹәзаландырылыр), 233-ҹү (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә (шәрти малијјә ваһиди мәбләғинин беш јүз мислиндән мин мислинәдәк мигдарда ҹәримә вә ја ики иләдәк мүддәтә ислаһ ишләри вә ја ејни мүддәтә азадлығын мәһдудлашдырылмасы вә ја үч иләдәк мүддәтә азадлыгдан мәһрум етмә илә ҹәзаландырылыр), 234.4.3-ҹү (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) вә 228.1-ҹи (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә маддәләри илә ШӘРЛӘЈӘРӘК 11 ил мүддәтинә азадлыгдан мәһрум едиб.
Диггәт: Хәбәрдән истифадә етдикдә мәнбәјә истинад лазымдыр
