Әһли Бејт -АБНА- хәбәр аҝентлијинин вердији хәбәрә әсасән ҸҺП-нин сәдри Камал Кылычдароғлу бәјан едиб: "Рәҹәб Тајјиб Әрдоған шәһидләрин күрәјинә минәрәк президент ола билмәз".
Түркијә мәтбуатынын вердији хәбәрә ҝөрә, о дејиб: "Демәк олар, һәр фраксија иҹласында башсағлығы веририк. Бир ҹәмијјәт бу гәдәр ағыр әзаблара дөзә билмәз. 17 ҝәнҹимизи дәфн етдик. Бу дөјүшдә галиб ҝәлән олмаз. Гардаш ганынын төкүлдүјү јердә һеч ким галиб ҝәлмәз. Дөјүшсүз бир өлкәјә еһтијаҹымыз вар. Достлуғун суверен олдуғу бир Түркијәни гурмаг мәҹбуријјәтиндәјик. Ҹин артыг шүшәдән чыхыб, анҹаг һөкумәт буну ҝөрмүр”.
Партијасынын фраксија иҹласында АКП һөкумәтини тәнгид атәшинә тутан К.Кылычдароғлу Баш назир Рәҹәб Тајјиб Әрдоғанын үнванына тәһгирамиз ифадәләр сәсләндириб: “Иҹтимаијјәтлә террору ајырмаг мәҹбуријјәтиндәјик. Дөвләти идарә едән шәхсләрин үзәриндә мәсулијјәт вар. Дөвләт ган давасы ҝүдмәз. Дөвләт интигам далынҹа гачмаз. Дөвләт әсәблә сијасәт апармаз. Дөвләти идарә едәнләр кин вә нифрәт тохумлары әкирсә сүлһү тәмин едә билмәзләр. Он илдир тәк башына игтидардасыныз. 2002-ҹи илдә өлкәни сыфыр террор илә тәһвил алдыныз. Өлкәни ким бу һала ҝәтириб чыхсын ортаја. Әрдоғандан сорушсаныз дејәҹәк һеч бир ҝүнаһы јохдур. Онун фикринҹә тарих, ҹоғрафија, гоншулар ҝүнаһкардыр. Анҹаг онлар дөвләти идарә етмир. Бүтүн шәһидләрин ганлары сәнин ики јахандадыр. Шәһидләрин күрәјинә минәрәк президент ола билмәзсән".
Диггәт: Хәбәрдән истифадә етдикдә мәнбәјә истинад лазымдыр
