Әһли Бејт -АБНА- хәбәр аҝентлијинин вердији хәбәрә әсасән АБШ Ҝүрҹүстанын бир сыра әразиләриндә, о ҹүмләдән Азәрбајҹанлыларын компакт јашадығы Марнеули әразисиндә мәхфи аеродром тикиб. Мәгсәд јахын вахтларда Иран Ислам Республикасына гаршы интенсив һәрби әмәлијјатларын ҝерчәкләшдирилмәси үчүн арха база јаратмагдыр.
Милаз.инфо порталынын мәлуматына ҝөрә, бу диггәтчәкән бәјанаты ҝүрҹү јазычысы, публисист вә иҹтимаи хадим, мүхалифәт тәмсилчиси Елизбар Ҹавелидзе “Квирис хроника” (“Һәфтәнин хроникасы”) гәзетинә мүсаһибәсиндә бәјан едиб. Онун сөзләринә ҝөрә, президент Саакашвилинин сон ајлар Ҝүрҹүстанын бүтүн әразиләрини ҝәзмәсинин сәбәбләри бәллидир:
“Һәр јердә 20 јерлик хәстәханалар вә һава лиманлары тиклир. Бу, Фарс көрфәсиндә ҝөзләнилән мүһарибәјә һазырлыгдыр. 20 јерлик бу хәстәханалар Америка лајиһәсидир.
Фарс көрфәзиндә АБШ вә Иран Ислам Республикасында арасында бөјүк мүһарибә башлајыр вә 5 милјард доллар бу 20 јерлик һәрби госпиталларын тикинтисинә ајрылыб. Бу һоспиталлар әсасән Америка пуллары һесабына тикилир. Кулевдә суалты ҝәмиләр үчүн лиманын тикинтиси әбәс јерә дејил. Лазика исә Америка һәрби шәһәрҹији олаҹаг. Артыг Марнеулидә мәхфи аеродром тикилиб”.
“ИИР-ла һәрби мүнагишә башлајан заман Теһран Американын һәрби објектләринә ракетләр бурахаҹаг. О заман өлкәмизи ким мүдафиә едәҹәк?”, – дејә Е.Ҹавелидзе бәјан едиб.
Онун еһтималына ҝөрә, “Саакашвили она наил олаҹаг ки, Русија Кулев вә Анаклини Ҝүрҹүстандан алаҹаг вә бүтүн Самегрело реҝиону суал алтында галаҹаг”.
Гејд едәк ки, Ҝүрҹүстанда һоспитал секторунун инкишафы лајиһәси чәрчивәсиндә тибб-сығорта ширкәтләри өлкәнин реҝионларында 150 јени хәстәхана тикәҹәкләр. 2011-ҹи илин декабр ајы әрзиндә Ҝүрҹүстанын бир сыра рајон мәркәзләриндә 30-дан артыг јени хәстәхана вә тибб мәркәзләринин ачылышы олуб.
Диггәт: Хәбәрдән истифадә етдикдә мәнбәјә истинад лазымдыр
