Әһли Бејт -АБНА- хәбәр аҝентлијинин вердији хәбәрә әсасән бәднам “евровисион” фәсад мүсабигсинә вә үздәнирагларын Бакыја ҝәлишинә етираз едән Руһани Һаҹы Илгар Әлијевин Ҹәлилабад Рајон Мәһкәмәсиндә 05 нојабр 2012-ҹи ил тарихдә кечирилмәли олан, лакин сонрадан тәхирә салынан мәһкәмә просеси бу ҝүн давам етдирилиб.
Белә ки, сон просесдә һаким бу ҝүн Ҹәлилабад РПИ-нин һазыркы рәис мүавини Сәфәр Нуријевин ифадә верәҹәјини билдирсә дә, бир гәдәр әввәл вәзијјәт дәјишиб. Рәис мүавинин әвәзинә буҝүнкү просесдә Һаҹы Илгарын һәбси епизоду үзрә һал шаһиди Рамил адлы шәхсин ифадә вермәси вә өтән ҹүмә ҝүнү (02 нојабр 2012) кечирилән просесдә ифадә верән полис әмәкдашы Огтај Рәһимовла үзләшдирилмәси нәзәрдә тутулуб. Лакин һал шаһидини "тапмаг" мүмкүн олмадығындан просес бу ҝүн дә тәхирә салына биләр.
Јаранмыш вәзијјәтлә бағлы Һаҹы Илгар Әлијевин вәкили Тағы Ибраһимов билдириб ки, рајон полиси һал шаһидини евиндә вә бир нечә јердә ахтарса да, тапа билмәјиб. “Онун мәһкәмәјә мәҹбури ҝәтирилмәси илә бағлы гәрар верилиб. Сонрадан онун Бакыја ишләмәјә ҝетдији билдирилди. Дејиләнә ҝөрә, о, гејри-гануни шәкилдә, мүгавиләсиз пајтахтдакы тикинти ширкәтләринин бириндә фәһлә ишләјир, буна ҝөрә дә ону тапа билмирләр. Һәр һалда биз дә онун тапылмасыны вә просесин башламасыны ҝөзләјирик. Рамили нә вахт ҝәтирсәләр, просес дә онда башлајаҹаг”, - дејә вәкил ајдынлыг ҝәтириб.
Һаҹы Илгарын јахынлары јаранмыш дуруму просесә сүни әнҝәл кими гијмәтләндириб вә бу вәзијјәтдән нараһат олдугларыны ифадә едиб.
Үздәнирагларын Бакыја ҝәлишинә етираз едән Руһани Һаҹы Илгар Әлијев Ҹинајәт Мәҹәлләсинин 234.1 (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәси илә ШӘРЛӘНИЛИБ.
Диггәт: Хәбәрдән истифадә етдикдә мәнбәјә истинад лазымдыр
