Әһли Бејт -АБНА- хәбәр аҝентлијинин вердији хәбәрә әсасән Диларә Әлијева адына ҝадын һүгүгларынын мүдафиәсы комитәсинин сәдри Новелла Ҹәфәрова исламынсеси.аз порталына диндарларын һәбсинә бејнәлхалг инсан һаглары тәшкилатларынин реаксијасы илә бағлы шәрһ вериб.
-Авропа Инсан һаглары мәһкәмәсинин Азәрбајҹана диггәт ајырмасынын сәбәби өлкәдә динлә бағлы вәзијјәтин чох аҹынаҹаглы олмасыдыр. АИП-дән чох адам тутулуб. Дәфәләрлә партија рәһбәрлијиндән фәалијјәт програмларыны истәмишик, амма нәтиҹәсиз галыб.
Буна бахмајараг, биз һәбс олунан диндарларын һүгугларыны мүдафиә едирик. Онларын ачыг мәһкәмәдә мүһакимә олунмасыны истәјирик.
Авропа мәһкәмәсинин иш просеси үч амилдән ибарәтдир: биринҹи, һәбс едиләнләрин азадлыға бурахылмасы; икинҹи, һәбс олунанлара компенссасија өдәнилмәси; үҹүнҹү, јахуд мәһкумларын тәкрар мәһкәмәси олмалыдыр.
Әҝәр мәһкәмә дүзҝүн апарылмајыбса, гапалы кечирилибсә, сәһфләр олубса, бунлар арашдырмалыдылар. Һал-һазырда тутулан диндарларын арасында чох бөјүк алимләр, наһагдан һәбс олунанлар вар.
Буна ҝөрә дә, әдаләтин тәсдиги үҹүн мәһкәмәләрин аҹыг олмасыны, дәгиг мониторинг кеҹирилмәсини истәјирик. Һәгигәтән дини тәблиғатла мәшғул олан диндарлар иҹтимаијјәтә чатдырылмалыдылар.
Руһаниләр Ислам мәдәнијјәти, демократијасы вә мүасирлијини ҹәмијјәтә чатдырмалыдырлар. Динин радикаллығы гәбул етмирәм. Хүсусилә дә Иранын бизим өлкәдә радикал Исламын тәблиғинин әлејһинәјәм. Азәрбајҹан әһалисинин бөјүк әксәријјәти мүсәлмандыр, амма Исламын һакимијјәтә ҝәлмәсини истәмирик.
P.S: Гәрибәдир ҝөрәсән Новелла нәнә сон мисрада ишләтдији “истәмирик” сөзүндән мәгсәди кимләрдир? Он-онбеш нәфәрдән ибарәт дағ јәһудиләрими?
Диггәт: Хәбәрдән истифадә етдикдә мәнбәјә истинад лазымдыр
